Qyzylorda politsiiasy "VKontakte" áleýmettik jelisindegi paraqshasynda tyiym salynǵan aýdiomaterialdardy saqtaǵan er adamdy ustady, - dep habarlaidy "Ult aqparat" Polisia.kz saityna silteme jasap.
"Qyzylorda oblysy Politsiia departamentiniń Ekstremizmge qarsy is-qimyl basqarmasy qyzmetkerleri jedel-izdestirý sharalary nátijesinde Qazaqstan Respýblikasynyń aýmaǵynda sotpen tyiym salynǵan dini mazmundaǵy aýdio materialdardy "Vkontakte" áleýmettik jelisindegi jeke paraqshasynda saqtaǵan destrýktivti dini aǵymdy ustanatyn 40 jastaǵy turǵyndy anyqtady", - delingen habarlamada.
Oǵan qatysty Qazaqstan Respýblikasy ÁQBtK-niń 453-baby 1-bóliginde ("Buqaralyq aqparat quraldarynyń ónimin, sol siiaqty ózge de ónimdi Qazaqstan Respýblikasynyń aýmaǵynda daiyndaý, saqtaý, ákelý, tasymaldaý, taratý, Qazaqstan Respýblikasynyń konstitýtsiialyq qurylysyn kúshtep ózgertýdi, onyń tutastyǵyn buzýdy, memleket qaýipsizdigine nuqsan keltirýdi, soǵysty, áleýmettik, násildik, ulttyq, dini, tektik-toptyq jáne rýlyq arazdyqty qozdyrýdy") kózdelgen quqyqbuzýshylyq jasaǵany úshin ákimshilik is qozǵalǵan.
