Foto: ashyq derekkóz
Qyzylorda turǵyny avtobýs aialdamalaryndaǵy aqparatty memlekettik tilde jazýdy mindetteýdi surap, Qyzylorda qalasynyń mamandandyrylǵan aýdanaralyq ákimshilik sotyna júgingen.
Sot avtobýs aialdamalaryndaǵy aqparattardy memlekettik tilde ornatýdy mindettedi.
«Talap qoiýshy óziniń talap qoiýynda birneshe márte ókiletti organdarǵa júginip, aialdamalardaǵy aqparattardy memlekettik tilde jazý kerektigin aitqanyn, alaida eshqandai nátije bolmaǵanyn, sodan sotqa júginýge májbúr bolǵanyn, memlekettik tilde jazylmaǵan aqparattardy ornatý zań talaptaryn óreskel buzatynyn kórsetken. Sotta anyqtalǵandai, turǵyn úi-kommýnaldyq sharýashylyǵy, jolaýshylar kóligi jáne avtomobil joldary bólimi memlekettik satyp alý týraly sharty negizinde jaýapty seriktestikke marshrýttyq avtobýs aialdamalaryna 26 dana aqparattyq taqtany ornatýdy tapsyrǵan. Alaida, aqparattyq taqtalardaǵy aqparattar memlekettik tilde jazylmaǵan», - delingen Qyzylorda oblysynyń mamandandyrylǵan aýdanaralyq ákimshilik soty habarlamasynda.
Sot talap qoiýshynyń memlekettik tilde aqparattar alýǵa qatysty konstitýtsiialyq quqyqtary buzylǵanyn eskerip, talap qoiýdy qanaǵattandyryp, jaýapkerge avtobýs aialdamalaryndaǵy aqparattardy memlekettik tilde ornatýdy mindettedi.
Sonymen qatar, bólimniń tulǵalarynyń tarapynan jiberilgen buzýshylyqtar boiynsha jeke uiǵarym shyǵardy.
Sot sheshimi zańdy kúshine enip, oryndaldy.
