فوتو: اشىق دەرەككٶز
قىزىلوردا تۇرعىنى اۆتوبۋس ايالدامالارىنداعى اقپاراتتى مەملەكەتتٸك تٸلدە جازۋدى مٸندەتتەۋدٸ سۇراپ, قىزىلوردا قالاسىنىڭ مامانداندىرىلعان اۋدانارالىق ەكٸمشٸلٸك سوتىنا جٷگٸنگەن.
سوت اۆتوبۋس ايالدامالارىنداعى اقپاراتتاردى مەملەكەتتٸك تٸلدە ورناتۋدى مٸندەتتەدٸ.
«تالاپ قويۋشى ٶزٸنٸڭ تالاپ قويۋىندا بٸرنەشە مەرتە ٶكٸلەتتٸ ورگاندارعا جٷگٸنٸپ, ايالدامالارداعى اقپاراتتاردى مەملەكەتتٸك تٸلدە جازۋ كەرەكتٸگٸن ايتقانىن, الايدا ەشقانداي نەتيجە بولماعانىن, سودان سوتقا جٷگٸنۋگە مەجبٷر بولعانىن, مەملەكەتتٸك تٸلدە جازىلماعان اقپاراتتاردى ورناتۋ زاڭ تالاپتارىن ٶرەسكەل بۇزاتىنىن كٶرسەتكەن. سوتتا انىقتالعانداي, تۇرعىن ٷي-كوممۋنالدىق شارۋاشىلىعى, جولاۋشىلار كٶلٸگٸ جەنە اۆتوموبيل جولدارى بٶلٸمٸ مەملەكەتتٸك ساتىپ الۋ تۋرالى شارتى نەگٸزٸندە جاۋاپتى سەرٸكتەستٸككە مارشرۋتتىق اۆتوبۋس ايالدامالارىنا 26 دانا اقپاراتتىق تاقتانى ورناتۋدى تاپسىرعان. الايدا, اقپاراتتىق تاقتالارداعى اقپاراتتار مەملەكەتتٸك تٸلدە جازىلماعان», - دەلٸنگەن قىزىلوردا وبلىسىنىڭ مامانداندىرىلعان اۋدانارالىق ەكٸمشٸلٸك سوتى حابارلاماسىندا.
سوت تالاپ قويۋشىنىڭ مەملەكەتتٸك تٸلدە اقپاراتتار الۋعا قاتىستى كونستيتۋتسييالىق قۇقىقتارى بۇزىلعانىن ەسكەرٸپ, تالاپ قويۋدى قاناعاتتاندىرىپ, جاۋاپكەرگە اۆتوبۋس ايالدامالارىنداعى اقپاراتتاردى مەملەكەتتٸك تٸلدە ورناتۋدى مٸندەتتەدٸ.
سونىمەن قاتار, بٶلٸمنٸڭ تۇلعالارىنىڭ تاراپىنان جٸبەرٸلگەن بۇزۋشىلىقتار بويىنشا جەكە ۇيعارىم شىعاردى.
سوت شەشٸمٸ زاڭدى كٷشٸنە ەنٸپ, ورىندالدى.
