Qyzylorda oblysynyń Jańaqorǵan aýdanynda politsiia qyzmetkeri jaiaý júrginshini qaǵyp óltirdi, - dep habarlaidy Tengrinews.kz.
Oblystyq politsiia departamenti baspasóz qyzmetiniń habarlaýynsha, oqiǵa 7 naýryz kúni keshki ýaqytta Jańaqorǵan kentinde bolǵan. Kináli adam oqiǵa ornynan qashyp ketken.
"Jańaqorǵan aýdandyq politsiia bóliminiń qyzmetkerleri júrgizgen jedel-izdestirý is-sharalarynyń nátijesinde jol apatyna kináli kúdikti ustaldy. Kúdiktiniń politsiia qyzmetkeri ekeni anyqtaldy, ol ýaqytsha ustaý izoliatoryna qamaldy, tergeý amaldary jalǵasyp jatyr", - dedi politsiiada.
Oqiǵa kezinde politseidiń ishimdik ishpegeni dáleldendi.
"Atalǵan derek boiynsha qyzmettik tekseris júrgizildi. Ustalǵannan keiin jol apatyna kináli politsiia qyzmetkeri qyzmetinen bosatyldy. Bul is Qyzylorda oblysy boiynsha PD-nyń tártiptik keńesinde de qaraldy. Mundai derek boiynsha kúdiktige baǵynyshty birqatar politsiia qyzmetkerleri ákimshilik jaýapkershilikke tartyldy", - dep atap ótti DDP baspasóz qyzmeti.
Atalǵan fakti boiynsha QR QK 345-babynyń 3-bóligi («Kólik quraldaryn basqaratyn adamdardyń jol júrisi nemese kólik quraldaryn paidalaný qaǵidalaryn buzýy») jáne 347-baby («Jol-kólik oqiǵasy bolǵan jerden ketý») boiynsha sotqa deiingi tergeý amaldary bastaldy).
«Kúdikti 5 jylǵa deiin nemese 2 jylǵa deiin bas bostandyǵynan aiyrylýy múmkin», - dep qosty politsiia.
Aýdandyq politsiia bóliminiń basshylyǵy tekserilýde.
