Qyzylorda oblysynda dini alaýyzdyqty týdyrýǵa baǵyttalǵan ýaǵyz taratýmen ainalysqan adam anyqtaldy, dep habarlaidy "Ult aqparat".
Túrkistan oblysynyń turǵyny Qyzylorda oblysynda túzeý mekemesinde jazasyn ótip jatqan. Bul maqsatta oblystyq Politsiia departamentiniń Ekstremizmge qarsy is-qimyl basqarmasy jáne Qyzylorda oblysy boiynsha Qylmystyq-atqarý júiesiniń departamentiniń qyzmetkerleri birlesken is-shara júrgizdi. Nátijesinde 43 jastaǵy turǵynnyń dini alaýyzdyqty qozdyrýǵa baǵyttalǵan ýaǵyzdardy taratýmen ainalysyp júrgeni anyqtaldy.
«Atalǵan derek boiynsha sotqa deiingi tergep-tekserý bastalyp, saraptama taǵaiyndaldy. Saraptama qorytyndysyna sáikes dini ýaǵyzdardan terrorizmdi nasihattaý belgileri anyqtaldy.
Kúdiktige qatysty Qazaqstan Respýblikasy Qylmystyq kodeksiniń 256-babynyń 1-bóligimen (Terrorizmdi nasihattaý nemese terrorizm aktisin jasaýǵa jariia túrde shaqyrý) sotqa deiingi tergep-tekserý amaldary bastaldy», - dep málim etti Qyzylorda oblystyq politsiia departamentiniń baspasóz qyzmeti.
