Jylyna 1 mln. tonna tamponajdy tsement ónimin shyǵaratyn Qazaqstan boiynsha tuńǵysh zaýyt aǵymdaǵy jyldyń jeltoqsan aiynda Qyzylorda oblysy, Shieli aýdanynda iske qosylady. Bul týraly búgin Astana qalasynda Ortalyq kommýnikatsiialar qyzmetinde ótken baspasóz máslihatynda Qyzylorda oblysynyń ákimi Qyrymbek Kósherbaev málimdedi, dep habarlaidy "Ult aqparat".
Joba 2015-2019 jyldarǵa arnalǵan QR indýstrialdy-innovatsiialyq damý memlekettik baǵdarlamasy aiasynda júzege asyrylýda jáne óndiristik qýattardy tasymaldaý boiynsha 51 birlesken Qazaqstan-Qytai jobalarynyń tizimine engizilgen.
"Aǵymdaǵy jyldyń jeltoqsan aiynda biz Qazaqstan-Qytai yntymaqtastyǵy baǵdarlamasy aiasynda júzege asyrylyp jatqan tamponajdy tsement zaýytyn merziminen buryn iske qosamyz", - dedi aimaq basshysy .
Qazirgi ýaqytta nysannyń barlyq qurylys jumystary aiaqtalyp, jabdyqtardy montajdaý jumystary júrgizilýde.
Aita keteiik, kásiporynda 260-tan astam adam jumys isteitin bolady. Jergilikti salyq kólemi artady, sondai-aq, óndiristi iske qosý arqyly tsementke arnalǵan qaptar, asfaltbetonǵa mineraldy shań shyǵaratyn shaǵyn jáne orta kásiporyndardy ashýǵa múmkindik beredi.
Sonymen qatar, aýdandyq kolledjdi bitirgen 48 jas maman Qytai zaýyttarynda qosymsha bilim aldy. Qytailyq investorlar Shieli indýstrialdy-agrarlyq kolledjiniń bazasynda jergilikti jastar arasynan 80 mamandy daiarlyqtan ótkizýde.
Tamponajdy tsement munai-gaz jáne atom ónerkásibinde keńinen qoldanylady. Ásirese, apatty jáne qalpyna keltirý jumystaryn júrgizýde taptyrmas zat bolyp tabylady. Budan basqa, shyǵarylatyn ónim qatty aiazǵa, sýǵa jáne korroziiaǵa qarsy tózimdi, tsementtiń taǵy bir mańyzdy sipattamasy 10-12 saǵatta kebedi.
