جىلىنا 1 ملن. توننا تامپوناجدى تسەمەنت ٶنٸمٸن شىعاراتىن قازاقستان بويىنشا تۇڭعىش زاۋىت اعىمداعى جىلدىڭ جەلتوقسان ايىندا قىزىلوردا وبلىسى, شيەلٸ اۋدانىندا ٸسكە قوسىلادى. بۇل تۋرالى بٷگٸن استانا قالاسىندا ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا قىزىلوردا وبلىسىنىڭ ەكٸمٸ قىرىمبەك كٶشەرباەۆ مەلٸمدەدٸ, دەپ حابارلايدى "ۇلت اقپارات".
جوبا 2015-2019 جىلدارعا ارنالعان قر يندۋستريالدى-يننوۆاتسييالىق دامۋ مەملەكەتتٸك باعدارلاماسى اياسىندا جٷزەگە اسىرىلۋدا جەنە ٶندٸرٸستٸك قۋاتتاردى تاسىمالداۋ بويىنشا 51 بٸرلەسكەن قازاقستان-قىتاي جوبالارىنىڭ تٸزٸمٸنە ەنگٸزٸلگەن.
"اعىمداعى جىلدىڭ جەلتوقسان ايىندا بٸز قازاقستان-قىتاي ىنتىماقتاستىعى باعدارلاماسى اياسىندا جٷزەگە اسىرىلىپ جاتقان تامپوناجدى تسەمەنت زاۋىتىن مەرزٸمٸنەن بۇرىن ٸسكە قوسامىز", - دەدٸ ايماق باسشىسى .
قازٸرگٸ ۋاقىتتا نىساننىڭ بارلىق قۇرىلىس جۇمىستارى اياقتالىپ, جابدىقتاردى مونتاجداۋ جۇمىستارى جٷرگٸزٸلۋدە.
ايتا كەتەيٸك, كەسٸپورىندا 260-تان استام ادام جۇمىس ٸستەيتٸن بولادى. جەرگٸلٸكتٸ سالىق كٶلەمٸ ارتادى, سونداي-اق, ٶندٸرٸستٸ ٸسكە قوسۋ ارقىلى تسەمەنتكە ارنالعان قاپتار, اسفالتبەتونعا مينەرالدى شاڭ شىعاراتىن شاعىن جەنە ورتا كەسٸپورىنداردى اشۋعا مٷمكٸندٸك بەرەدٸ.
سونىمەن قاتار, اۋداندىق كوللەدجدٸ بٸتٸرگەن 48 جاس مامان قىتاي زاۋىتتارىندا قوسىمشا بٸلٸم الدى. قىتايلىق ينۆەستورلار شيەلٸ يندۋستريالدى-اگرارلىق كوللەدجٸنٸڭ بازاسىندا جەرگٸلٸكتٸ جاستار اراسىنان 80 ماماندى دايارلىقتان ٶتكٸزۋدە.
تامپوناجدى تسەمەنت مۇناي-گاز جەنە اتوم ٶنەركەسٸبٸندە كەڭٸنەن قولدانىلادى. ەسٸرەسە, اپاتتى جەنە قالپىنا كەلتٸرۋ جۇمىستارىن جٷرگٸزۋدە تاپتىرماس زات بولىپ تابىلادى. بۇدان باسقا, شىعارىلاتىن ٶنٸم قاتتى ايازعا, سۋعا جەنە كورروزيياعا قارسى تٶزٸمدٸ, تسەمەنتتٸڭ تاعى بٸر ماڭىزدى سيپاتتاماسى 10-12 ساعاتتا كەبەدٸ.
