Qyzylorda oblysynda úshem dúniege keldi. Oblys ortalyǵynda turatyn 27 jastaǵy Iýlia Panashýk úsh birdei qyzdyń anasy atandy.
Úsh nárestege Radmila, Anastasiia jáne Alina esimderi qoiyldy. Olar dúniege kelgende salmaǵy 1,7-1,8 keli boldy. Sharanalar oblystyq «Ana men bala» ortalyǵynda jaryq dúnie esigin ashty.
«Meniń aman-esen bosanyp, nárestelerimniń densaýlyǵynyń qalypty bolýyna ortalyq qyzmetkerleri barynsha qamqorlyq kórsetti. Olardyń osyndai qamqorlyǵyna alǵysym zor. Ortalyq basshysy Gúlnár Jumashevaǵa da rizalyǵymdy bildiremin», - dedi Iýlia Panashýk.
Bul otbasynda budan buryn úsh ul tárbielenip keledi. Jalpy, jyl basynan beri oblystyq perinataldyq ortalyqta 7 myńnan astam náreste dúniege keldi. Olardyń arasynda 180-i egiz bala. Biyl Qyzylorda oblysynda ekinshi úshem jaryq dúnie esigin ashyp otyr.
Esterińizge sala ketelik, Óksikbaevtar áýletinde Ailina, Jasmina, Mádina esimdi úsh qyz ómirge keldi. Sondai-aq Túrkistan oblysy qurylǵaly alǵashqy úshem dúniege keldi.
