Qyzylorda oblysynda sport salasyndaǵy laýazymdy tulǵalar sottaldy, - dep habarlaidy "Ult aqparat" Antikordyń baspasóz qyzmetine silteme jasap.
"2022 jyldyń 27 mamyrynda Qyzylorda oblysynda Dene shynyqtyrý jáne sport basqarmasynyń basshysy Ospanovqa qatysty aiyptaý úkimi shyǵyp, oǵan 5 million teńge kóleminde aiyppul salyndy.
Osy úkimmen Olimpiadalyq rezervtiń oblystyq mamandandyrylǵan balalar men jasóspirimder mektebiniń 5 direktory Jumabaev, Ilin, Aqbergenov, Seksembaev pen Kikbaev 10-nan 20 million teńgege deiin túrli aiyppuldarǵa sottaldy" - delingen habarlamada.
Joǵaryda atalǵan barlyq tulǵa oblystyń sport mektepteriniń qyzmetine júrgizilgen taldaý boiynsha oń sheshim shyǵarǵany úshin tekserýshi adamǵa 6,5 million teńge mólsherinde para berýge oqtalǵany úshin kináli dep tanyldy.
Sottalǵandar ómir boiy memlekettik qyzmette qyzmet atqarý quqyǵynan aiyryldy. Úkim zańdy kúshine engen joq.
