قىزىلوردا وبلىسىندا سپورت سالاسىنداعى لاۋازىمدى تۇلعالار سوتتالدى, - دەپ حابارلايدى "ۇلت اقپارات" انتيكوردىڭ باسپاسٶز قىزمەتٸنە سٸلتەمە جاساپ.
"2022 جىلدىڭ 27 مامىرىندا قىزىلوردا وبلىسىندا دەنە شىنىقتىرۋ جەنە سپورت باسقارماسىنىڭ باسشىسى وسپانوۆقا قاتىستى ايىپتاۋ ٷكٸمٸ شىعىپ, وعان 5 ميلليون تەڭگە كٶلەمٸندە ايىپپۇل سالىندى.
وسى ٷكٸممەن وليمپيادالىق رەزەرۆتٸڭ وبلىستىق مامانداندىرىلعان بالالار مەن جاسٶسپٸرٸمدەر مەكتەبٸنٸڭ 5 ديرەكتورى جۇماباەۆ, يلين, اقبەرگەنوۆ, سەكسەمباەۆ پەن كيكباەۆ 10-نان 20 ميلليون تەڭگەگە دەيٸن تٷرلٸ ايىپپۇلدارعا سوتتالدى" - دەلٸنگەن حابارلامادا.
جوعارىدا اتالعان بارلىق تۇلعا وبلىستىڭ سپورت مەكتەپتەرٸنٸڭ قىزمەتٸنە جٷرگٸزٸلگەن تالداۋ بويىنشا وڭ شەشٸم شىعارعانى ٷشٸن تەكسەرۋشٸ ادامعا 6,5 ميلليون تەڭگە مٶلشەرٸندە پارا بەرۋگە وقتالعانى ٷشٸن كٸنەلٸ دەپ تانىلدى.
سوتتالعاندار ٶمٸر بويى مەملەكەتتٸك قىزمەتتە قىزمەت اتقارۋ قۇقىعىنان ايىرىلدى. ٷكٸم زاڭدى كٷشٸنە ەنگەن جوق.
