Foto: alashainasy.kz
Qyzylorda oblysynda Qazaly aýdandyq sotynyń tóraǵasy jemqorlyq jasady degen kúdikke ilindi. Muny jýrnalist Mihail Kozachkov óz Telegram-paraqshasyna jariialady, dep habarlaidy Ult.kz.
Qyzylorda oblysynyń ulttyq qaýipsizdik komitetiniń qyzmetkerleri Qazaly aýdandyq sotynyń tóraǵasy Dáýren Ábdiqalyqovty ustady. Ol sybailas jemqorlyq jasady degen kúdikke ilingen, tergeý onyń par ma, álde alaiaqtyq pa ekenin anyqtaidy.
Buǵan 2024 jyly alaiaqtyq úshin sottalǵan er adamnyń parasy sebep bolǵan. Aldyn ala málimetter boiynsha, sottalýshynyń týystary Ábdiqalyqovqa jazasyn jeńildetý úshin 6 million teńge bergen, osylaisha ol shartty túrde jaza alǵan. Biraz ýaqyttan keiin qylmysker merziminen buryn bosatý úshin taǵy 300 000 teńge jibergen.
Ulttyq qaýipsizdik komitet Qazaly aýdandyq sotynyń sýdiasy Serik Bertaidy da tergemek. Biraq ol qazir aýrýhanada, sondyqtan áli ustalǵan joq.
