Investitsiialyq sýbsidiia qarajatyn talan-tarajǵa salyp, jymqyrý deregi boiynsha oblystyq aýylsharýashylyq basqarmasynyń laýazymdy tulǵalaryna qatysty qylmystyq is boiynsha sot úkimi shyqty, - dep habarlaidy "Ult aqparat" Qarjylyq monitoring agenttigine silteme jasap.
QMA málimetinshe, memlekettik qyzmetshiler birneshe sharýa qojalyqtarynda eshqandai jumys atqarylmai, jabdyqtar qoiylmai, jumystyń tolyq oryndalǵany týraly jalǵan qujat ázirlegen jáne aqparatty Qoldau.kz júiesine engizip, sýbsidiia berý týraly ótinimge elektron qol qoiǵan. Osylaisha, 25 million teńgege jýyq memleket qarajatyn urlap, jymqyrǵan.
Óz kezeginde kásipker tulǵalar kelisimshart somasynyń 10 paiyz kóleminde syiaqy úshin jalǵan qujat ázirlep, qarjy jymqyrǵan.
"Sot sheshimi boiynsha, Oblystyq aýylsharýashylyq basqarmasynyń bólim basshysy men bas mamany kináli dep tanylyp, memlekettik uiymdarda materialdyq nemese qarjy aýdarymyna negiz bolatyn qujattarǵa qol qoiý quqyǵy júkteletin laýazymdardy atqarý quqyǵynan 3 jylǵa aiyra otyryp, 2 jyl merzimge shartty túrde bas bostandyǵyn shekteý jazasyn aldy", - delingen habarlamada.
