Sýret: instagram.com/qnet_kazakhstan
Qyzylorda oblysy aýmaǵynda «Qnet» qarjy piramidasyn quryp, oǵan basshylyq jasady degen kúdikke ilingen azamatqa qatysty sotqa deiingi tergeý júrgizilip jatyr, dep habarlaidy "Ult aqparat" Qarjylyq monitoring agenttiginiń baspasóz qyzmetine silteme jasap.
Anyqtalǵandai, ol 2020-2021 jyldar aralyǵynda qarjy piramidasyn quryp, onyń qyzmetine 38 tulǵany qatystyrǵan (zardap shekkender). Keltirilgen zalal kólemi - 46 mln teńge.
"Sot sanktsiiasyna sáikes, ol «kúzetpen ustaý» túrindegi sharamen 2 ai merzimge qamaýǵa alynyp, ýaqytsha ustaý izoliatoryna qamaldy.
Sotqa deiingi tergeý jalǵasyp jatyr. QR QPK-niń 201 babynyń talaptaryna sáikes ózge málimetter jariia etilmeidi" - delingen habarlamada.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
