Foto: elements.envato.com
Qyzylorda oblysynda pedofil ekinshi synyp oqýshysyn zorlaǵan. Bul týraly quqyq qorǵaýshy Dina Tańsári Facebook-paraqshasynda jariialady, - dep habarlaidy Tengrinews.kz.
Jariialanǵan málimetke qaraǵanda, oqiǵa Qyzylorda oblysy Jańaqorǵan aýdanynda bolǵan.
"#NeMolchiKZ qoryna anonim úndeý kelip tústi, osy jaǵdaidy rastaý nemese joqqa shyǵarýyńyzdy ótinemin. Eger bul qylmys jasalǵan bolsa, qandai shara qoldanyldy, kámeletke tolmaǵan jábirlenýshige qandai kómek kórsetildi? Osyndai qylmystardyń aldyn alý úshin halyqpen qandai jumystar júrgizildi?" - dep jazdy post avtory.
Keiin ol anonim úndeý mátinin jariialady.
"Bir apta buryn 2-synyp oqýshysy zorlandy... Júrek ustamasy bar qyzdyń anasy jatyp qaldy, aýyryp qalǵan, ákesi shok alǵan. Zorlaýshy qyzdy mektepke aparyp tastaimyn dep aldap, kólikke otyrǵyzyp alyp ketip, zorlaǵan. Qorlap, keiin sol jerge ákep tastap, ketip qalǵan", - delingen hatta.
Oblystyq politsiia departamentiniń baspasóz qyzmeti bul derek Qylmystyq kodekstiń 121-baby 4-bóligi ("Seksýaldyq sipattaǵy zorlyq-zombylyq áreketteri") boiynsha sotaldy tergep-tekserýdiń biryńǵai tizilimine tirkelgenin atap ótti.
"Kúdikti ustalyp, ýaqytsha ustaý izoliatoryna qamaldy. Saraptamalar taǵaiyndaldy", - dedi politseiler.
Qazaqstan Respýblikasy Qylmystyq is júrgizý kodeksiniń 201-babynyń talaptaryna sáikes sotaldy tergep-tekserý derekteri jariia etýge jatpaidy.
