Foto: Freepik.com
Qyzylorda oblysynda 9-synyp oqýshysynyń keýde tusynan uryp óltirgen 10-synyp oqýshysyna qatysty sot otyrysy ótti, dep habarlaidy Ult.kz.
Qazirgi tańda joǵary synyptyń eki oqýshysy sotqa tartyldy. Olarǵa Qylmystyq kodeksiniń "Densaýlyqqa qasaqana aýyr ziian keltirý" jáne "Buzaqylyq" degen aiyp taǵyldy.
Shieli aýdany Qodamanov aýylynyń 10-synyp oqýshylary 9-synyp oqýshylaryn syilastyq tanytpady degen syltaýmen olardy jazalamaq bolǵan. Sottalýshylardyń biri tizilip turǵan ózinen kishi balalardyń betinen urǵan.
"Sottalýshy K jábirlenýshiniń keýde tusynan judyryǵymen qatty urǵan. Jábirlenýshiniń júregi reflektorly toqtap, nátijesinde aýyr dene jaraqatynan mert boldy", – delingen sotta.
Sot sheshimimen kámeletke tolmaǵan qaskói 6 jyl 8 aiǵa bas bostandyǵynan aiyryldy. Al buzaqylyq jasaǵany úshin eki sottalýshy da taraptardyń tatýlasýyna bailanysty jazadan qutylyp ketti.
Úkim zańdy kúshine engen joq.
