Qyzylorda oblysynda gaz ballony jarylýynan úi tolyǵymen janyp ketti, dep habarlaidy QazAqparat.
Oqiǵa 31 qańtarda jergilikti ýaqytpen 23.55 shamasynda bolǵan. Sol ýaqytta Jalaǵash aýdany Qaraketken aýylyndaǵy turǵyn úi jarylǵan.
Kelip túsken shaqyrtý boiynsha oqiǵa ornyna Jalaǵash aýdany №11 órt sóndirý bóliminen 13 qyzmetker 2 tehnika keldi.
Mamandar tarapynan turǵyn úidiń ashanasynda syiymdylyǵy 50 litr bolatyn propan gaz ballony jarylǵanyn anyqtaldy.
Saldarynan úi qabyrǵasy qulap, úi tolyǵymen janǵan.
«Órt sóndirýshiler atalǵan úidiń zardap shekken turǵyndaryn jedel járdem qyzmetine tabystady. Órt saldarynan 1965 jylǵy azamatsha, 1993 jylǵy balasy men kelini, 2020 jylǵy sábidiń 17-25 paiyz shamasynda denesi kúiip qalǵan. Olardyń jaǵdaiy jeńil jáne orta aýyr dep baǵalanyp otyr. Bul azamattar Jalaǵash aýdanaralyq aýrýhanasynda dárigerlerdiń qaraýyna alynǵan. Al 2018 jylǵy bala dárigerler baqylaýynan keiin úiine qaitaryldy. Órt saldarynan shyǵyny anyqtalý ústinde», - dedi oblystyq tótenshe jaǵdailar departamenti Órt sóndirý jáne avariialyq-qutqarý jumystary qyzmetiniń baspasóz hatshysy Áliia Erjepova.
