قىزىلوردا وبلىسىندا گاز باللونى جارىلۋىنان ٷي تولىعىمەن جانىپ كەتتٸ, دەپ حابارلايدى قازاقپارات.
وقيعا 31 قاڭتاردا جەرگٸلٸكتٸ ۋاقىتپەن 23.55 شاماسىندا بولعان. سول ۋاقىتتا جالاعاش اۋدانى قاراكەتكەن اۋىلىنداعى تۇرعىن ٷي جارىلعان.
كەلٸپ تٷسكەن شاقىرتۋ بويىنشا وقيعا ورنىنا جالاعاش اۋدانى №11 ٶرت سٶندٸرۋ بٶلٸمٸنەن 13 قىزمەتكەر 2 تەحنيكا كەلدٸ.
ماماندار تاراپىنان تۇرعىن ٷيدٸڭ اسحاناسىندا سىيىمدىلىعى 50 ليتر بولاتىن پروپان گاز باللونى جارىلعانىن انىقتالدى.
سالدارىنان ٷي قابىرعاسى قۇلاپ, ٷي تولىعىمەن جانعان.
«ٶرت سٶندٸرۋشٸلەر اتالعان ٷيدٸڭ زارداپ شەككەن تۇرعىندارىن جەدەل جەردەم قىزمەتٸنە تابىستادى. ٶرت سالدارىنان 1965 جىلعى ازاماتشا, 1993 جىلعى بالاسى مەن كەلٸنٸ, 2020 جىلعى سەبيدٸڭ 17-25 پايىز شاماسىندا دەنەسٸ كٷيٸپ قالعان. ولاردىڭ جاعدايى جەڭٸل جەنە ورتا اۋىر دەپ باعالانىپ وتىر. بۇل ازاماتتار جالاعاش اۋدانارالىق اۋرۋحاناسىندا دەرٸگەرلەردٸڭ قاراۋىنا الىنعان. ال 2018 جىلعى بالا دەرٸگەرلەر باقىلاۋىنان كەيٸن ٷيٸنە قايتارىلدى. ٶرت سالدارىنان شىعىنى انىقتالۋ ٷستٸندە», - دەدٸ وبلىستىق تٶتەنشە جاعدايلار دەپارتامەنتٸ ٶرت سٶندٸرۋ جەنە اۆارييالىق-قۇتقارۋ جۇمىستارى قىزمەتٸنٸڭ باسپاسٶز حاتشىسى ەلييا ەرجەپوۆا.
