Almatyda aýa raiynyń kúrt salqyndaýyna bailanysty biyl jylytý maýsymy ádettegiden erte bastalady. 9 qazannan bastap qaladaǵy nysandar ortalyq jylý júiesine kezeń-kezeńimen qosylady, dep habarlaidy ult.kz.
Aldymen áleýmettik mańyzy bar nysandar – balabaqshalar, mektepter men meditsinalyq uiymdar jylýǵa qosylady. Budan keiin kóppáterli turǵyn úilerdi ortalyq jylý júiesine qosý jumystary bastalady.
Jylý úige berilgennen keiin PIK pen MIB mamandary ishki jylytý júiesin retteidi. Atap aitqanda, radiatorlar men tikqubyrlardaǵy aýa shyǵarylyp, júiedegi qysym retteledi. Bul páterlerdiń birkelki jylynýyna múmkindik beredi.
Qaladaǵy jylý jelilerinde ainalym rejimi aldyn ala iske qosylǵan. Kommýnaldyq qyzmetter yqtimal aqaýlardy jedel joiý úshin qajetti materialdar men jabdyqtardyń qoryn da daiyndaǵan. Jylý barlyq nysanǵa bir mezette emes, tehnikalyq múmkindikke qarai kezeń-kezeńimen beriledi.
Ádette Almatyda jylytý maýsymyn bastaý kezinde syrtqy aýanyń ortasha táýliktik temperatýrasy eskeriledi. Eger ol bes táýlik boiy +8 gradýs nemese odan tómen deńgeide saqtalsa, qalany jylýǵa qosý týraly sheshim qabyldanady.
