Qyzylorda oblysynda koronavirýs infektsiiasy anyqtalǵan úsh naýqastyń ony qaidan juqtyrǵany belgili boldy, dep habarlaidy "Ult aqparat".
Naýqastyń úsheýi de Syrdariia aýdanynyń Amangeldi aýylynda turady. Barlyǵy da koronavirýs infektsiiasyn juqtyrǵan adammen qarym-qatynasta bolǵan. Soǵan bailanysty karantindik statsionarǵa jatqyzylyp, zerthanalyq synamalar alynǵan. Zertteý qorytyndysy diagnozdy naqtylady.
«Qazirgi tańda naýqastardyń jaǵdaiy qanaǵattanarlyq. Bekitilgen hattamaǵa sáikes tiisti em júrgizilýde. Naýqastarmen qarym-qatynasta bolǵan adamdar anyqtaldy. Barlyǵy meditsinalyq baqylaýǵa alynýda. Aýrý oshaqtarynda epidzertteý jumystary, dezinfektsiialyq jumys júrgizilýde», - dep málim etti oblystyq Taýarlar, qyzmetterdiń sapasy men qaýipsizdigin baqylaý departamenti basshysynyń orynbasary, aimaqtyń bas sanitar dárigeri Áliia Ábdiqaiymova.
8 sáýirde osy saǵattaǵy jaǵdai boiynsha Qyzylorda oblysynda koronavirýs infektsiiasyn juqtyrǵan 72 adam anyqtaldy. Olardyń 9-y Qyzylorda qalasynda, 16-sy Jańaqorǵan aýdanynda tirkelse, Qarmaqshyda - 4, Shielide - 35, Syrdariiada - 7, Aralda - 1 jaǵdai naqtylandy.
