8 qazanda Qazaqstannyń soltústigi, shyǵysy men ortalyǵynda aýa raiy qubylmaly bolady. Kei óńirlerde jańbyr jaýyp, shyǵysta qar aralas jaýyn-shashyn kútiledi. Al elimizdiń batysy men ońtústiginde kún negizinen jaýyn-shashynsyz bolady, dep habarlaidy ult.kz.
Qazgidromettiń málimetinshe, tsiklon men atmosferalyq fronttardyń áserinen 8 qazanda soltústik, shyǵys, ortalyq jáne ońtústik-shyǵystyń taýly aýdandarynda turaqsyz aýa raiy saqtalady. Soltústik pen ortalyqta jańbyr, shyǵysta jańbyr men qar jaýady. Respýblika boiynsha jel kúsheiip, kei jerlerde tuman túsedi. Shyǵys óńirlerde túngi ýaqytta kóktaiǵaq bolýy yqtimal.
Astana: kóshpeli bultty, kei ýaqytta jańbyr jaýady. Túnde aýa temperatýrasy +5…+7°C, kúndiz +11…+13°C bolady. Ońtústik-batystan 9-14 m/s jel soǵyp, ekpini 15-20 m/s-qa, túnde jáne tańerteń kei ýaqytta 23 m/s-qa deiin jetedi.
Almaty: kóshpeli bultty, jaýyn-shashynsyz. Túnde shamamen +7…+10°C, kúndiz +17…+19°C. Jel álsiz, negizinen 3-8 m/s bolady.
Shymkent: kóshpeli bultty, jaýyn-shashyn kútilmeidi. Túnde +6…+8°C, kúndiz +21…+23°C. Ońtústik-batystan soǵatyn jeldiń jyldamdyǵy 7-12 m/s bolady.
Jalpy, 8-10 qazan aralyǵynda eldiń soltústik-batysy, soltústigi men ortalyǵynda birtindep salqyndaidy. Bul óńirlerde aldaǵy kúnderi túngi temperatýra kei jerlerde -1…-6°C-qa deiin tómendeýi múmkin. Shyǵysta da kún sýytyp, kúndizgi temperatýra +2…+7°C shamasyna deiin túsýi yqtimal.
Al ońtústik pen ońtústik-shyǵysta salystyrmaly túrde jyly aýa raiy saqtalady. Munda kúndiz aýa temperatýrasy negizinen +17…+25°C bolady. Taýly aýdandarda túnde 2°C-qa deiin úsik júrýi múmkin. Batys óńirlerde de kún jyly bolyp, aldaǵy kúnderi aýa temperatýrasy +22…+27°C-qa deiin kóteriledi.
Sinoptikter júrgizýshilerge shyǵys óńirlerdegi kóktaiǵaqqa, al turǵyndarǵa ekpindi jel men tuman kezinde saq bolýdy eskertedi.
