Qyzylorda oblysynda karantin rejimi 1 mamyrǵa deiin uzartyldy, dep habarlaidy "Ult aqparat".
Erteńnen bastap Qyzylorda oblysy bas memlekettik sanitarlyq dárigeriniń № 10 qaýlysy kúshine enedi. Soǵan sai, Qyzylorda qalasy, aýdan, eldi mekender arasy kvartal nemese sektorlarǵa bólinip, blokposttar ornatylady.
«Sáikesinshe karantindik aimaqta júrip-turýǵa tyiym salynady. Kóterme saýda oryndaryna «azyq-túlik dúkenderine deiin jetkizý» qaǵidaty boiynsha saǵat 10.00-18.00 saǵatqa deiin kúsheitilgen sanitariialyq-dezinfektsiialyq rejimmen jumys isteýge ruqsat etiledi. Qoǵamdyq kóliktiń jumysy toqtatylady. Jergilikti atqarýshy organmen aiqyndalǵan kólik quraldaryn qospaǵanda jeke kóliktiń qozǵalysyna tyiym salynady», - dep málim etti Qyzylorda oblysynyń ákimdigi.
Turǵyndarǵa meditsinalyq betperde kiip júrý mindetteledi.
Búgingi kúnge deiin Qyzylorda oblysynda 143 adam koronavirýs infektsiiasyn juqtyrdy. Onyń 21-i qaýipti indetten tolyq hazylyp shyqty.
