قىزىلوردا وبلىسىندا كارانتين رەجيمٸ 1 مامىرعا دەيٸن ۇزارتىلدى, دەپ حابارلايدى "ۇلت اقپارات".
ەرتەڭنەن باستاپ قىزىلوردا وبلىسى باس مەملەكەتتٸك سانيتارلىق دەرٸگەرٸنٸڭ № 10 قاۋلىسى كٷشٸنە ەنەدٸ. سوعان ساي, قىزىلوردا قالاسى, اۋدان, ەلدٸ مەكەندەر اراسى كۆارتال نەمەسە سەكتورلارعا بٶلٸنٸپ, بلوكپوستتار ورناتىلادى.
«سەيكەسٸنشە كارانتيندٸك ايماقتا جٷرٸپ-تۇرۋعا تىيىم سالىنادى. كٶتەرمە ساۋدا ورىندارىنا «ازىق-تٷلٸك دٷكەندەرٸنە دەيٸن جەتكٸزۋ» قاعيداتى بويىنشا ساعات 10.00-18.00 ساعاتقا دەيٸن كٷشەيتٸلگەن سانيتارييالىق-دەزينفەكتسييالىق رەجيممەن جۇمىس ٸستەۋگە رۇقسات ەتٸلەدٸ. قوعامدىق كٶلٸكتٸڭ جۇمىسى توقتاتىلادى. جەرگٸلٸكتٸ اتقارۋشى ورگانمەن ايقىندالعان كٶلٸك قۇرالدارىن قوسپاعاندا جەكە كٶلٸكتٸڭ قوزعالىسىنا تىيىم سالىنادى», - دەپ مەلٸم ەتتٸ قىزىلوردا وبلىسىنىڭ ەكٸمدٸگٸ.
تۇرعىندارعا مەديتسينالىق بەتپەردە كيٸپ جٷرۋ مٸندەتتەلەدٸ.
بٷگٸنگٸ كٷنگە دەيٸن قىزىلوردا وبلىسىندا 143 ادام كوروناۆيرۋس ينفەكتسيياسىن جۇقتىردى. ونىڭ 21-ٸ قاۋٸپتٸ ٸندەتتەن تولىق حازىلىپ شىقتى.
