Foto: © Sputnik
Qyzylorda oblysynda bir top áiel ustaldy. Jalǵan akkaýnt arqyly er adamdarmen tanysqan qyzdar olardan aqsha bopsalaǵan, - dep habarlaidy "Ult aqparat" Polisia.kz saityna silteme jasap.
Politsiiaǵa er-azamat aryzdanyp, sáýirden bastap belgisiz áielder jeke sipattaǵy sýretteri men hattar úshin 500 myń teńge talap etkendigin aitqan.
PD UQQKB qyzmetkerlerimen keshendi jedel–izdestirý sharalary júrgizilip, nátijesinde oblystyń úsh turǵyny ustalǵan.
"Bul áielder Facebook-te jalǵan akkaýnt qura otyryp, áleýmettik jelilerde abyroiǵa kir keltiretin málimetterdi taratpaý úshin aqy suraǵan. Bopsalaýshylardan barlyǵy 8 tulǵa japa shekken.
Zattai dáleldeme retinde birneshe telefon, qolma-qol aqsha jáne bank kartalary tárkilendi.
QR QK 194-babynyń 2-bóligi boiynsha sotqa deiingi tergep–tekserý bastaldy. Eki kúdikti áiel ÝUI-ǵa qamaldy, úshinshisine qatysty úiqamaq túrindegi bultartpaý sharasy qoldanyldy", - delingen habarlamada.
Sondai-aq, kúdiktilerdiń osyǵan uqsas derekterge qatystylyǵy tekserilip jatyr. Ózge aqparat QR QPK-niń 201-babyna sáikes jariialanýǵa jatpaidy.
