Sońǵy táýlikte Qyzylorda oblysynda toi-tomalaq ótkizýdiń 19 faktisi anyqtaldy, dep habarlaidy "Ult aqparat".
Biylǵy 5 shildeden bastap búgingi kúnge deiin óńirdegi 24 monitoringilik top reidtik tekserispen 3226 nysanǵa barǵan. Nátijesinde karantin talaptaryn buzýdyń 804 jaǵdaiy anyqtaldy. Onyń ishinde halyqqa qyzmet kórsetý nysandaryndaǵy buzýshylyq sany – 383, úi jaǵdailarynda uiymdastyrylǵan merekelik-kópshilik is-sharalar sany – 403 jáne kóshedegi toptyq jinalýlar sany – 18.
Anyqtalǵan barlyq fakti boiynsha QR ÁQBtK-niń 425-baby 1-bóligimen jalpy somasy 37 391 880 teńgege ákimshilik aiyppul salyndy.
Karantin talaptaryn buzýshylyqtyń basym bóligi úi jaǵdaiynda kópshilik jiyn uiymdastyrýǵa qatysty jáne qoǵamdyq tamaqtaný oryndary, azyq-túlik saýda oryndaryna qatysty anyqtalǵan. Onyń ishinde jeke kásipkerlikke qatysty – 14, nysandarǵa qatysy bar jeke tulǵalarǵa – 369, al nysandarmen bailanysty emes jeke tulǵalarǵa qatysty 421 ákimshilik hattama toltyryldy.
Halyqqa qyzmet kórsetý oryndaryndaǵy karantin talaptaryn buzýshylyqtyń basym bóligi sanitariialyq talaptardyń saqtalmaýyna qatysty anyqtalǵan. Iaǵni qyzmetkerler maskasyz, qorǵanysh qolǵaptarynsyz halyqqa qyzmet kórsetken, sonymen qatar shekti ýaqyttan asyryp jumysyn jalǵastyrǵan nysandar da bar.
Atap aitqanda, 278 derek maska taǵý erejesin buzýǵa jáne áleýmettik araqashyqtyqty saqtamaýǵa qatysty, jumys jasaý ýaqytynyń shektelýin buzý boiynsha – 60, tyiym salynǵan nysandardyń qyzmet kórsetýi boiynsha – 31, zalalsyzdandyrý talaptarynyń saqtalmaýy boiynsha– 14 talap buzýshylyq oryn aldy», - delingen COVID-19 taralýyna jol bermeý jónindegi vedomstvoaralyq komissiia aqparatynda.
Aita keteiik, tek sońǵy táýlikte oblys boiynsha karantin talaptaryn buzýdyń 19 jaǵdaiy tirkeldi. Onyń ishinde 2 derek meiramhanalarda, 17 derek jeke turǵyn úide toi jasaǵan jeke tulǵalarǵa qatysty anyqtaldy. Nátijesinde 19 jeke tulǵaǵa 791 730 teńge ákimshilik aiyppul salyndy.
