Qyzylorda oblysynda ulttyq biryńǵai testileý 20 qańtar men 5 aqpan aralyǵynda ótedi, dep habarlaidy "Ult aqparat".
Koronavirýsqa qarsy vedomstvoaralyq komissiianyń málimetinshe, óńirde 8 testileý ortalyǵy belgilengen. Búgingi tańda 6 092 oqýshy testileýge qatysýǵa ótinim bergen.
Oblystyq bilim basqarmasy bekitken josparǵa sáikes 82 aýditoriiaǵa sanitariialyq-dezinfektsiialyq talaptar belgilengen.
UBT ótkizý pýnkterinde testilenýshiler, memlekettik komissiia músheleri, kezekshiler teplovizormen tekseriledi.
Meditsinalyq pýnktiniń jumysy uiymdastyrylyp, sanitaizermen, aiaq kiimge arnalǵan dezinfektsiia kilemshelerimen qamtylǵan.
Sonymen qatar, testilenýshiler arasyndaǵy araqashyqtyqty saqtaý - UBT ótkizý pýnktine kirer kezde jáne aýditoriiaǵa otyrǵyzý kezinde mańyzdy shart.
Testileý ótkizý ǵimarattary men aýditoriialary aldyn ala dezinfektsiialanady.
Adamdar arasyndaǵy arqashyqtyqty saqtaý úshin barrikadalyq jolaqtar qarastyrylýy kerek.
Dene temperatýrasy 37S jáne odan joǵary bolsa, JRVI nemese koronavirýs infektsiiasynyń klinikalyq belgileri baiqalsa, anamnezinde KVI juqtyrǵan adammen bailanysta bolǵany dáleldense, sońǵy 14 kúnde shetelge baryp kelgeni anyqtalsa, ol qatysýshy arnaiy mamandandyrylǵan kólikpen densaýlyq saqtaý uiymyna jetkiziledi.
