Qyzylorda oblysynda 3000 rýlon shóp órtenip ketti, dep habarlaidy "Ult aqparat".
Oqiǵa Jańaqorǵan aýdanyna qarasty M.Nálibaev aýyldyq okrýginde 21 shildede saǵat 20.20-da bolǵan. Jergilikti sharýa qojalyǵynyń aýmaǵyndaǵy ashyq alańda jinalǵan shóp órtengen.
«Shóptiń jalpy sany 3000 rýlondy quraidy. Ol shamamen 1200 tonnaǵa jýyq. Oqiǵa ornyna órt sóndirý qyzmetinen 13 qyzmetker 3 avtokólikpen bardy. Olardyń kúshimen saǵat 23.30-te oqshaýlanyp, 00.30-te tolyǵymen sóndirildi», - dedi departamentten.
Eske salsaq, budan buryn Qyzylordada balalar oiyn-saýyq ortalyǵy órtendi.
Oqys oqiǵa 19 shildede saǵat 07.20-da Qyzylorda qalasy Y.Altynsarin kóshesi boiynda ornalasqan balalar oiyn-saýyq ortalyǵynda boldy. Ǵimarattyń birinshi qabatynyń 200 sharshy metrge jýyq aýmaǵy tolyqtai janyp ketti.
