Búgin Qyzylorda oblysynda koronavirýske shaldyqqan bir naýqastyń ony qaidan juqtyrǵany belgili boldy, dep habarlaidy "Ult aqparat".
Búgin, 1 sáýirde kúni jergilikti ýaqytpen saǵat 16.15-te Qyzylorda oblysynda COVID-19 virýsynyń jańadan 1 jaǵdaiy tirkeldi. Bul týraly Óńirlik kommýnikatsiialar qyzmeti alańynda oblystyq densaýlyq saqtaý basqarmasy basshysy Jaqsylyq Abdýsametov habarlady.
«Qazirgi ýaqytta, oblys boiynsha 25 naýqas tirkeldi. Jańadan tirkelgen 1 naýqas Jańaqorǵan aýdanynan. Ol 28 jastaǵy er adam. Naýqas karantinde bolǵan. Ol osy aýdanda aldynda anyqtalǵan naýqaspen tyǵyz qarym-qatynasta bolǵandyqtan oqshaýlanǵan edi. Onyń jaǵdaiy qanaǵattanarlyq», - dedi basqarma basshysy.
Aita keteiik, oblysymyzda qarym-qatynasta bolǵan 485 adam anyqtaldy. Onyń 133 karantinde bolsa, 352 -si úi jaǵdaiynda oqshaýlanǵan.
Eske sala keteiik, 1 sáýirden bastap Qyzylorda qalasynda shekteý sharalary engizilip, karantin jariialandy.
