Qyzylorda oblysynyń ákimi Gúlshara Ábdiqalyqova óńirdegi koronavirýs indetin juqtyrǵan naýqastardyń jai-kúiin baiandady, dep habarlaidy "Ult aqparat".
«Qazirgi ýaqytta oblys boiynsha infektsiia juqtyrǵandar sany 26-ǵa jetti. Onyń ishinde Qyzylorda qalasynda - 6, Jańaqorǵan aýdanynda - 16, Qarmaqshy aýdanynda - 2, Shieli aýdanynda 2 oqiǵa tirkelgen. Qazirgi ýaqytta Qyzylorda, Jańaqorǵan aýdandary karantinge jabyldy», - dedi oblys ákimi «Habar 24» telearnasyndaǵy málimdemesinde.
Onyń aitýynsha, indettiń aldyn alý sharalary tolyq júrgizilip jatyr.
«Eń aldymen, adamdar men barlyq kólik túrleriniń qozǵalysy shekteldi. Barlyq naýqastar infektsiialyq aýrýhanaǵa jatqyzyldy. Virýs tasymaldaýshylarmen bailanysta bolǵan adamdar anyqtalyp, baqylaýǵa alynyp jatyr», - dedi G. Ábdiqalyqova.
