قىزىلوردا وبلىسىنىڭ ەكٸمٸ گٷلشارا ەبدٸقالىقوۆا ٶڭٸردەگٸ كوروناۆيرۋس ٸندەتٸن جۇقتىرعان ناۋقاستاردىڭ جاي-كٷيٸن باياندادى, دەپ حابارلايدى "ۇلت اقپارات".
«قازٸرگٸ ۋاقىتتا وبلىس بويىنشا ينفەكتسييا جۇقتىرعاندار سانى 26-عا جەتتٸ. ونىڭ ٸشٸندە قىزىلوردا قالاسىندا - 6, جاڭاقورعان اۋدانىندا - 16, قارماقشى اۋدانىندا - 2, شيەلٸ اۋدانىندا 2 وقيعا تٸركەلگەن. قازٸرگٸ ۋاقىتتا قىزىلوردا, جاڭاقورعان اۋداندارى كارانتينگە جابىلدى», - دەدٸ وبلىس ەكٸمٸ «حابار 24» تەلەارناسىنداعى مەلٸمدەمەسٸندە.
ونىڭ ايتۋىنشا, ٸندەتتٸڭ الدىن الۋ شارالارى تولىق جٷرگٸزٸلٸپ جاتىر.
«ەڭ الدىمەن, ادامدار مەن بارلىق كٶلٸك تٷرلەرٸنٸڭ قوزعالىسى شەكتەلدٸ. بارلىق ناۋقاستار ينفەكتسييالىق اۋرۋحاناعا جاتقىزىلدى. ۆيرۋس تاسىمالداۋشىلارمەن بايلانىستا بولعان ادامدار انىقتالىپ, باقىلاۋعا الىنىپ جاتىر», - دەدٸ گ. ەبدٸقالىقوۆا.
