Qyzylorda oblysynda sońǵy bes kúnde 36 adam koronavirýs juqtyrǵan, dep habarlaidy oblystyq sanitariialyq-epidemiologiialyq baqylaý departamentiniń baspasóz qyzmeti.
Búgingi kúnge deiin óńirde koronavirýs infektsiiasymen naýqastanǵan 3516 adam esepke alynǵan. Onyń ishinde 14 jasqa deiingi balalar sany - 227.
Sońǵy táýlikte koronavirýs infektsiiasyn juqtyrýdyń 10 deregi tirkeldi.
Onyń 7-ýi Qyzylorda qalasynda bolsa, 2-ýi Shieli jáne 1-ýi Qarmaqshy aýdanynda turatyny anyqtaldy.
PTR taldaýlarynyń 7-eýi profilaktikalyq maqsatta, 3-eýi KVI juqtyrǵan adamdarmen qarym-qatynasta bolǵandyǵy sebepti alynǵan.
«Aita keterligi, 2 naýqasta jótel, álsizdik, dene temperatýrasynyń joǵarylaýy, bastyń aýyrýy sekildi aýrý simptomy baiqalǵan. Al 8 patsientten klinikalyq belgiler anyqtalǵan joq», - dep málim etti Qyzylorda oblysy sanitariialyq-epidemiologiialyq baqylaý departamentiniń baspasóz qyzmeti.
Vedomstvonyń habarlaýynsha, naýqastarmen qarym-qatynasta bolǵan adamdar meditsinalyq baqylaýǵa alyndy.
Profilaktikalyq jáne epidemiiaǵa qarsy sharalar júrgizilýde.
Eske sala keteiik, Qyzylordada jyl basynan beri 100-den astam adam koronavirýs juqtyrǵan.
