Sýret: pexels
Qyzylorda oblysynda kadastrlyq quny 218 million teńge bolatyn jer ýchaskeleri memleketke qaitaryldy, - dep habarlaidy "Ult aqparat" oblys prokýratýrasynyń baspasóz qyzmetine silteme jasap.
Qyzylorda oblysynyń prokýratýra organdary jer qatynastary salasynda jasalǵan taldaýlar nátijesinde 14 usyný, 1 narazylyq engizgen.
"Tártiptik jaýaptylyqqa 37 tulǵa tartylyp, 270 úleskerdiń quqyǵy qorǵalyp, 49 akt zańǵa sáikestendirildi.
Jerdi satyp alý sharttary boiynsha jer ielenýshiler tólemegen 25 mln. teńge biýdjetke óndirildi. Sonymen qatar kadastrlyq quny 218 mln teńgeni quraityn jer ýchaskeleri memleketke qaitaryldy.
Atap aitqanda, «Baiqońyr» áleýmettik kásipkerlik korporatsiiasy» AQ-men (budan ári - ÁKK) birlesken joba retinde qurylyp, júzege asyrylmaǵan investitsiialyq joba boiynsha quny 115 mln teńge quraityn jer ýchaskesi memleketke qaitaryldy" - delingen habarlamada.
Sol siiaqty Syrdariia aýdany prokýratýrasy zańsyz tabystalǵan kásipkerlik maqsattaǵy kadastrlyq quny 21,8 mln teńge 6 ga jer ýchaskesin memleketke qaitarǵan.
"Odan bólek, prokýratýra organdary paidalanylmaityn jerlerdi anyqtaý jáne sharalar qabyldaý jóninde ýákiletti organdardyń jumysyn baqylaýda.
Jer kodeksine sáikes paidalanylmaityn jerlerdi anyqtaý qala, aýdan ákimdikteriniń jer salasyndaǵy ýákiletti organynyń quzyretine jatady.
Bul baǵytta jumystar qarqyndy júrgizilmeýine bailanysty prokýratýranyń bastamasymen 602,3 gektar 360 igerilmegen kásipkerlik maqsattaǵy jer ýchaskeleri anyqtaldy. Nátijesinde Qyzylorda oblysynyń jer resýrstaryn basqarý departamentine usyný engizilip, búgingi kúnge 150 jer ýchaskesine qatysty nusqama berilip, májbúrlep memleketke qaitarý baǵytynda sharalar qabyldanyp jatyr" - delingen habarlamada.
Sonymen qatar aýyl sharýashylyǵy maqsatyndaǵy jaiylymdyq jerlerdiń igerilý jaǵdaiyna asa nazar aýdarylǵan. Bul baǵytta oblystyń prokýratýra organdary jergilikti ákimdiktermen birlesip, paidalanylmaityn jaiylymdyq jerlerdi anyqtaý maqsatynda jumysshy toptaryn qurǵan. Oblys boiynsha eldi mekenniń turǵyndarymen kezdesý uiymdastyrylyp, túsindirme jumystary júrgizilgen.
"Aǵymdaǵy jyldyń ótken merziminde oblystyń prokýratýra organdary 138 myń ga 133 jaiylymdyq jer ýchaskesiniń igerilmegenin anyqtap, qadaǵalaý aktilerin engizdi. Kadastrlyq quny 80 mln teńge quraityn 41 myń ga 54 jer ýchaskesi qaitaryldy.
Onyń ishinde:
Syrdariia aýdanynda – 55 mln teńge 29 myń ga 27 jer;
Jalaǵash aýdanynda – 1,1 mln teńge 0,8 myń ga 4 jer;
Qarmaqshy aýdanynda – 2,2 mln teńge 2 myń ga 6 jer;
Qazaly aýdanynda – 1,2 mln teńge 6 ga 6 jer;
Aral aýdanynda – 3,6 mln teńge 3,8 myń ga 4 jer;
Jańaqorǵan aýdanynda – 17 mln teńge 7 myń ga 7 jer.
Mysaly, Qyzylorda oblysy, Syrdariia aýdany, Aidarly aýyldyq okrýginde 2001 jyldyń 13 sáýirinde tabystalǵan aýyl sharýashylyǵy maqsatyndaǵy kadastrlyq quny 1,4 mln teńge 161 ga jer ýchaskesiniń 22 jyl boiy paidalanylmaǵany anyqtalyp, memleketke qaitaryldy" - delingen habarlamada.
Sol siiaqty jergilikti atqarýshy organdarmen jaiylymdyq jerlerdiń jetispeýshiligi durys aiqyndalmaǵany anyqtalǵan.
Prokýratýranyń bastamasymen ákimdikter jaiylymdyq jerlerge túgendeý júrgizip, nátijesinde jaiylym jetispeýshiligi 1,4 mln ga-dan 530 myń ga, iaǵni 63% azaiǵan.
Bul baǵytta jumystar jalǵasyp jatyr.
