Qyzylorda oblysynda eki adamnan Kongo-qyrym qandy bezgegi anyqtaldy, dep habarlaidy "Ult aqparat".
Qazirgi tańda naýqastardyń jaǵdaiy birqalypty. Olar juqpaly aýrýlar bóliminde em alýda. Eki derek te Shieli aýdanynda tirkelgen.
Jalpy, kenelerdiń taralýyna bailanysty oblysta 113 eldi meken qolaisyz dep tanyldy. Bul aimaqtardy zalalsyzdandyrýǵa biýdjetten qarjy qarastyrylǵan.
«Memlekettik satyp alý konkýrsynyń nátijesinde zalalsyzdandyrý jumystaryn júrgizýge merdigerler belgilendi. Mamandar 567 myńnan astam mal jáne 33385 qora, sýattarǵa kóktemgi jáne kúzgi zalalsyzdandyrý sharalaryn atqarady. Qazirgi tańda Shieli, Jańaqorǵan aýdandarynda atalǵan jumystyń alǵashqy kezeńi aiaqtalyp, kelesi kezeń júrgizilýde. Jalaǵash pen Syrdariia aýdandarynda birinshi kezeń jalǵasýda. Zalalsyzdandyrý jumystaryna dizitsip eritindisi qoldanylýda», - dedi oblystyq jumyldyrý daiyndyǵy basqarma basshysynyń orynbasary Baǵdat Aliev.
Kenelerden zaqymdaný kórsetkishi ótken jyly 1,7 paiyz bolsa, al biyl 5,4 paiyzdy quraidy.
«Aita ketetin jait, kene shaqqan jaǵdaida azamat birden turǵylyqty jerdegi meditsinalyq pýnktke júginýi tiis. Sol arqyly qajetti em-dom sharalaryn alýyna múmkindigi bar», - dedi oblystyq sanitariialyq-epidemiologiialyq baqylaý departamenti basshysynyń orynbasary Áliia Ábdiqaiymova.
