Qyzylorda oblysynda koronavirýs infektsiiasy diagnozy qoiylǵan 12 adamnyń dertti qaidan juqtyrǵany anyqtaldy, dep habarlaidy QazAqparat tilshisi.
Bul jóninde Qyzylorda oblystyq taýarlar, qyzmetterdiń sapasy men qaýipsizdigin baqylaý departamenti habarlady
Naýqastardyń 11-i Shieli aýdanynda tirkelgen. Al 1 jaǵdai Aral aýdanynda anyqtaldy. Barlyǵy da koronavirýstyq infektsiia juqtyrǵan adammen qarym-qatynasta bolǵan. Soǵan bailanysty karantindik statsionarǵa jatqyzylyp, zerthanalyq synamalar alynǵan. Zertteý qorytyndysymen olardan COVID-19 diagnozy naqtylandy.
«Qazirgi tańda naýqastardyń jaǵdailary qanaǵattanarlyq. Bekitilgen hattamaǵa sáikes tiisti em júrgizilýde. Naýqastarmen qarym-qatynasta bolǵan adamdar anyqtalyp, barlyǵy meditsinalyq baqylaýǵa alynýda. Aýrý oshaqtarynda epidzertteý jumystary, dezinfektsiialyq jumystar júrgizilýde. 2020 jyldyń 7 sáýirindegi jaǵdai boiynsha aimaqta koronavirýs infektsiiasyna shaldyqqan 66 adam anyqtaldy. Qyzylorda qalasynda – 9 jaǵdai tirkelse, Jańaqorǵan aýdanynda – 16, Qarmaqshyda – 4, Shielide – 35 jaǵdai, Syrdariia aýdanynda-1, Aral aýdanynda – 1 jaǵdai esepke alynǵan», - dep málim etti Qyzylorda oblystyq taýarlar, qyzmetterdiń sapasy men qaýipsizdigin baqylaý departamenti.
