قىزىلوردا وبلىسىندا كوروناۆيرۋس ينفەكتسيياسى دياگنوزى قويىلعان 12 ادامنىڭ دەرتتٸ قايدان جۇقتىرعانى انىقتالدى, دەپ حابارلايدى قازاقپارات تٸلشٸسٸ.
بۇل جٶنٸندە قىزىلوردا وبلىستىق تاۋارلار, قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ حابارلادى
ناۋقاستاردىڭ 11-ٸ شيەلٸ اۋدانىندا تٸركەلگەن. ال 1 جاعداي ارال اۋدانىندا انىقتالدى. بارلىعى دا كوروناۆيرۋستىق ينفەكتسييا جۇقتىرعان اداممەن قارىم-قاتىناستا بولعان. سوعان بايلانىستى كارانتيندٸك ستاتسيونارعا جاتقىزىلىپ, زەرتحانالىق سىنامالار الىنعان. زەرتتەۋ قورىتىندىسىمەن ولاردان COVID-19 دياگنوزى ناقتىلاندى.
«قازٸرگٸ تاڭدا ناۋقاستاردىڭ جاعدايلارى قاناعاتتانارلىق. بەكٸتٸلگەن حاتتاماعا سەيكەس تيٸستٸ ەم جٷرگٸزٸلۋدە. ناۋقاستارمەن قارىم-قاتىناستا بولعان ادامدار انىقتالىپ, بارلىعى مەديتسينالىق باقىلاۋعا الىنۋدا. اۋرۋ وشاقتارىندا ەپيدزەرتتەۋ جۇمىستارى, دەزينفەكتسييالىق جۇمىستار جٷرگٸزٸلۋدە. 2020 جىلدىڭ 7 سەۋٸرٸندەگٸ جاعداي بويىنشا ايماقتا كوروناۆيرۋس ينفەكتسيياسىنا شالدىققان 66 ادام انىقتالدى. قىزىلوردا قالاسىندا – 9 جاعداي تٸركەلسە, جاڭاقورعان اۋدانىندا – 16, قارماقشىدا – 4, شيەلٸدە – 35 جاعداي, سىردارييا اۋدانىندا-1, ارال اۋدانىندا – 1 جاعداي ەسەپكە الىنعان», - دەپ مەلٸم ەتتٸ قىزىلوردا وبلىستىق تاۋارلار, قىزمەتتەردٸڭ ساپاسى مەن قاۋٸپسٸزدٸگٸن باقىلاۋ دەپارتامەنتٸ.
