Foto: Stan.kz
Qyzylorda qalalyq soty oblystyq kásipkerlik jáne ónerkásip basqarmasynyń basshysy D. Ábsattarovqa qatysty úkim shyǵardy, dep habarlaidy "Ult aqparat" Antikorǵa silteme jasap.
"Ol biznes ókilderine ulynyń oqýyna 1,4 mln teńge somasynda aqy tóleý jáne quny 6,8 mln teńge dizel otynyn berý qajettigi týraly zańsyz nusqaýlar berý arqyly laýazymdyq ókilettikterin asyra paidalanǵany úshin kináli dep tanyldy", - delingen habarlamada.
Budan basqa, sheneýnik óńir kásiporyndarynyń suiytylǵan gazdyń tiisti kólemin alý quqyǵyn shekteý arqyly biznes sýbektilerine 26,9 mln teńge somasynda zalal keltire otyra zańdy kásipkerlik qyzmetpen ainalysýǵa kedergi jasaǵany úshin sottaldy.
Sot úkimimen Ábsattarovqa memlekettik qyzmette jáne kvazimemlekettik sektor sýbektilerinde laýazymdardy atqarý quqyǵynan ómir boiyna aiyra otyryp, 9 ai bas bostandyǵynan aiyrý túrindegi jaza taǵaiyndaldy, sondai-aq memlekettik nagrada – «Eren eńbegi úshin» medalinen aiyrý týraly usynys engizildi.
Úkim zańdy kúshine endi.
