Qyzylorda oblysyna investorlardy tartý jáne investitsiialyq ahýaldy jaqsartý jónindegi aimaqtyq keńes otyrysynda «Balaýsa Protsessing Kompani» JShS-niń «Balasaýysqandyq ken ornynda «Qara taqtatasty avtoklavty qaita óńdeý» jobasyn iske asyrý máseleleri talqylandy. Aǵymdaǵy jyldyń 7 aiynda kompaniia alys jáne jaqyn shet elderge 120 tonnadan astam ammonii metavanadatyn eksporttady.
Keńes otyrysyn ashqan Qyzylorda oblysynyń ákimi Qyrymbek Kósherbaev investitsiia tartýdyń aimaq ekonomikasy úshin mańyzdy ekenin atap ótti.
«Memleket basshysynyń Joldaýyndaǵy negizgi tapsyrmalardyń biri ekonomikany damytýda investorlar men investitsiia tartý bolyp tabylady. Aimaqtaǵy indýstriialandyrý baǵdarlamasynyń aiasynda «Balasaýysqandyq vanadii ken ornynda avtoklavty qaita óńdeý» jobasy júzege asyrylýda»,-dedi aimaq basshysy.
Eske salaiyq, 2016 jyly qarashada Londonda ótken Úkimetaralyq komissiia otyrysynda qara taqtatasty avtoklavty óńdeý boiynsha investitsiialyq jobany júzege asyrý jóninde yntymaqtastyq týraly kelisimge qol qoiyldy. Kásiporyn 2016 jyldan bastap óz ónimderin Resei, Taivan, AQSh jáne Ulybritaniiaǵa eksporttaidy.
«Balasaýysqandyq ken ornynda «Qara taqtatasty avtoklavty qaita óńdeý» jobasynyń iske asý barysy jaily «Balaýsa protsessing Kompani» JShS-niń bas direktory Andrei Kýznetsov baiandady. Esterińizge sala keteiik, «Balasaýysqandyq ken ornynda «Qara taqtatasty avtoklavty qaita óńdeý» jobasy boiynsha jumystar júrgizilýde. Búginde kásiporyn qurylysynda 150 adam jumys isteidi. Al zaýyt paidalanýǵa berilgen kezde 550 adam jumyspen qamtylatyn bolady.
«Joba úsh kezeńde júzege asyrylady. Búgingi tańda jobanyń 2-kezeńi iske asyrylýda. 2016 jyldan bastap kompaniia óz ónimderin Taivan, Resei, AQSh jáne Ulybritaniiaǵa eksporttap jatyr. Aǵymdaǵy jyldyń 7 aiynda quny 658,2 mln. teńgeni quraityn 120,9 tonna ammonii metavanadatyn eksporttadyq», - dep atap ótti Andrei Kýznetsov.
Sondai-aq, investorlar keńesiniń otyrysynda jalpy quny 9 mln. AQSh dollary bolatyn «Qýaty 10 MVT kún elektr stantsiiasynyń qurylysy» jobasy tanystyryldy. Jobanyń bastamashysy - jańartylatyn energiia kózderin paidalanatyn elektr stantsiialaryn salýmen ainalysatyn ««HidroEnerdji Kompani» (HEK) bolgar kompaniiasy. Esterińizge sala keteiik, aǵymdaǵy jyldyń 2 shildesinde Qyzylorda oblysynyń ákimdigi men kompaniia «Qazaqstandyq Jahandyq investitsiialyq dóńgelek ústel» forýmy sheńberinde qýaty 10 MVT kún elektr stantsiiasyn salý týraly memorandýmǵa qol qoiǵan edi. «HEK» kompaniiasynyń bas direktory Vladimir Tabýtovtyń aitýynsha, joba 2019 jyldyń sońyna deiin aiaqtalady jáne qurylys jumystaryna 65 adam tartylady.
Qazirgi tańda Qyzylorda oblysynda innovatsiialyq tehnologiialardy qoldanatyn birqatar jobalar júzege asyrylýda, bul óz kezeginde óńirdiń ekonomikalyq ahýalyna oń áserin tigizedi. Olardyń biri - «DjiTiEl-Kazahstan» JShS-niń «Reseilik (DjiTiEl) tehnologiialardy paidalana otyryp, ilespe munai men tabiǵi gazdy (metandy) óńdeýge arnalǵan modýldik tipti qondyrǵyny salý jáne paidalaný» jobasy. Aita keteiik, kompaniia paidalanatyn tehnologiia «Astana-Expo2017» kórmesinde tanystyrylǵan bolatyn.
Ilespe munai jáne tabiǵi gazdy qaita óńdeý boiynsha zaýyt salý jobasyn iske asyrý týraly «DjiTiEl Kazahstan» JShS-niń atqarýshy direktory Viacheslav Bernian baiandady.
«Jobanyń jalpy quny - 892 mln. teńgeni quraidy. Jobany iske qosqannan keiin jańa 11 jumys orny ashylady . Qýattylyǵyna sai jylyna 10 myńǵa deiin ónim shyǵarady dep kútilýde. Iske asyrý merzimi - 2018-2019 jj.», - dedi Viacheslav Bernian.
Keńes otyrysynyń qorytyndysy boiynsha aimaq basshysy jergilikti atqarýshy organdarǵa osy jobalardy iske asyrý úshin atsalysýǵa, «Balaýsa Protsessing Kompani» JShS-ge taý-ken baiytý kombinatynyń qurylysyn jedel túrde bastaýdy jáne kombinat qurylysynyń kestesin oblystyq indýstriialdy-innovatsiialyq damý basqarmasyna ótkizýdi tapsyrdy.
