قىزىلوردا وبلىسىنا ينۆەستورلاردى تارتۋ جەنە ينۆەستيتسييالىق احۋالدى جاقسارتۋ جٶنٸندەگٸ ايماقتىق كەڭەس وتىرىسىندا «بالاۋسا پروتسەسسينگ كومپاني» جشس-نٸڭ «بالاساۋىسقاندىق كەن ورنىندا «قارا تاقتاتاستى اۆتوكلاۆتى قايتا ٶڭدەۋ» جوباسىن ٸسكە اسىرۋ مەسەلەلەرٸ تالقىلاندى. اعىمداعى جىلدىڭ 7 ايىندا كومپانييا الىس جەنە جاقىن شەت ەلدەرگە 120 توننادان استام اممونيي مەتاۆاناداتىن ەكسپورتتادى.
كەڭەس وتىرىسىن اشقان قىزىلوردا وبلىسىنىڭ ەكٸمٸ قىرىمبەك كٶشەرباەۆ ينۆەستيتسييا تارتۋدىڭ ايماق ەكونوميكاسى ٷشٸن ماڭىزدى ەكەنٸن اتاپ ٶتتٸ.
«مەملەكەت باسشىسىنىڭ جولداۋىنداعى نەگٸزگٸ تاپسىرمالاردىڭ بٸرٸ ەكونوميكانى دامىتۋدا ينۆەستورلار مەن ينۆەستيتسييا تارتۋ بولىپ تابىلادى. ايماقتاعى يندۋسترييالاندىرۋ باعدارلاماسىنىڭ اياسىندا «بالاساۋىسقاندىق ۆاناديي كەن ورنىندا اۆتوكلاۆتى قايتا ٶڭدەۋ» جوباسى جٷزەگە اسىرىلۋدا»,-دەدٸ ايماق باسشىسى.
ەسكە سالايىق, 2016 جىلى قاراشادا لوندوندا ٶتكەن ٷكٸمەتارالىق كوميسسييا وتىرىسىندا قارا تاقتاتاستى اۆتوكلاۆتى ٶڭدەۋ بويىنشا ينۆەستيتسييالىق جوبانى جٷزەگە اسىرۋ جٶنٸندە ىنتىماقتاستىق تۋرالى كەلٸسٸمگە قول قويىلدى. كەسٸپورىن 2016 جىلدان باستاپ ٶز ٶنٸمدەرٸن رەسەي, تايۆان, اقش جەنە ۇلىبريتانيياعا ەكسپورتتايدى.
«بالاساۋىسقاندىق كەن ورنىندا «قارا تاقتاتاستى اۆتوكلاۆتى قايتا ٶڭدەۋ» جوباسىنىڭ ٸسكە اسۋ بارىسى جايلى «بالاۋسا پروتسەسسينگ كومپاني» جشس-نٸڭ باس ديرەكتورى اندرەي كۋزنەتسوۆ باياندادى. ەستەرٸڭٸزگە سالا كەتەيٸك, «بالاساۋىسقاندىق كەن ورنىندا «قارا تاقتاتاستى اۆتوكلاۆتى قايتا ٶڭدەۋ» جوباسى بويىنشا جۇمىستار جٷرگٸزٸلۋدە. بٷگٸندە كەسٸپورىن قۇرىلىسىندا 150 ادام جۇمىس ٸستەيدٸ. ال زاۋىت پايدالانۋعا بەرٸلگەن كەزدە 550 ادام جۇمىسپەن قامتىلاتىن بولادى.
«جوبا ٷش كەزەڭدە جٷزەگە اسىرىلادى. بٷگٸنگٸ تاڭدا جوبانىڭ 2-كەزەڭٸ ٸسكە اسىرىلۋدا. 2016 جىلدان باستاپ كومپانييا ٶز ٶنٸمدەرٸن تايۆان, رەسەي, اقش جەنە ۇلىبريتانيياعا ەكسپورتتاپ جاتىر. اعىمداعى جىلدىڭ 7 ايىندا قۇنى 658,2 ملن. تەڭگەنٸ قۇرايتىن 120,9 توننا اممونيي مەتاۆاناداتىن ەكسپورتتادىق», - دەپ اتاپ ٶتتٸ اندرەي كۋزنەتسوۆ.
سونداي-اق, ينۆەستورلار كەڭەسٸنٸڭ وتىرىسىندا جالپى قۇنى 9 ملن. اقش دوللارى بولاتىن «قۋاتى 10 مۆت كٷن ەلەكتر ستانتسيياسىنىڭ قۇرىلىسى» جوباسى تانىستىرىلدى. جوبانىڭ باستاماشىسى - جاڭارتىلاتىن ەنەرگييا كٶزدەرٸن پايدالاناتىن ەلەكتر ستانتسييالارىن سالۋمەن اينالىساتىن ««حيدروەنەردجي كومپاني» (حەك) بولگار كومپانيياسى. ەستەرٸڭٸزگە سالا كەتەيٸك, اعىمداعى جىلدىڭ 2 شٸلدەسٸندە قىزىلوردا وبلىسىنىڭ ەكٸمدٸگٸ مەن كومپانييا «قازاقستاندىق جاھاندىق ينۆەستيتسييالىق دٶڭگەلەك ٷستەل» فورۋمى شەڭبەرٸندە قۋاتى 10 مۆت كٷن ەلەكتر ستانتسيياسىن سالۋ تۋرالى مەموراندۋمعا قول قويعان ەدٸ. «حەك» كومپانيياسىنىڭ باس ديرەكتورى ۆلاديمير تابۋتوۆتىڭ ايتۋىنشا, جوبا 2019 جىلدىڭ سوڭىنا دەيٸن اياقتالادى جەنە قۇرىلىس جۇمىستارىنا 65 ادام تارتىلادى.
قازٸرگٸ تاڭدا قىزىلوردا وبلىسىندا يننوۆاتسييالىق تەحنولوگييالاردى قولداناتىن بٸرقاتار جوبالار جٷزەگە اسىرىلۋدا, بۇل ٶز كەزەگٸندە ٶڭٸردٸڭ ەكونوميكالىق احۋالىنا وڭ ەسەرٸن تيگٸزەدٸ. ولاردىڭ بٸرٸ - «دجيتيەل-كازاحستان» جشس-نٸڭ «رەسەيلٸك (دجيتيەل) تەحنولوگييالاردى پايدالانا وتىرىپ, ٸلەسپە مۇناي مەن تابيعي گازدى (مەتاندى) ٶڭدەۋگە ارنالعان مودۋلدٸك تيپتٸ قوندىرعىنى سالۋ جەنە پايدالانۋ» جوباسى. ايتا كەتەيٸك, كومپانييا پايدالاناتىن تەحنولوگييا «Astana-Expo2017» كٶرمەسٸندە تانىستىرىلعان بولاتىن.
ٸلەسپە مۇناي جەنە تابيعي گازدى قايتا ٶڭدەۋ بويىنشا زاۋىت سالۋ جوباسىن ٸسكە اسىرۋ تۋرالى «دجيتيەل كازاحستان» جشس-نٸڭ اتقارۋشى ديرەكتورى ۆياچەسلاۆ بەرنيان باياندادى.
«جوبانىڭ جالپى قۇنى - 892 ملن. تەڭگەنٸ قۇرايدى. جوبانى ٸسكە قوسقاننان كەيٸن جاڭا 11 جۇمىس ورنى اشىلادى . قۋاتتىلىعىنا ساي جىلىنا 10 مىڭعا دەيٸن ٶنٸم شىعارادى دەپ كٷتٸلۋدە. ٸسكە اسىرۋ مەرزٸمٸ - 2018-2019 جج.», - دەدٸ ۆياچەسلاۆ بەرنيان.
كەڭەس وتىرىسىنىڭ قورىتىندىسى بويىنشا ايماق باسشىسى جەرگٸلٸكتٸ اتقارۋشى ورگاندارعا وسى جوبالاردى ٸسكە اسىرۋ ٷشٸن اتسالىسۋعا, «بالاۋسا پروتسەسسينگ كومپاني» جشس-گە تاۋ-كەن بايىتۋ كومبيناتىنىڭ قۇرىلىسىن جەدەل تٷردە باستاۋدى جەنە كومبينات قۇرىلىسىنىڭ كەستەسٸن وبلىستىق يندۋسترييالدى-يننوۆاتسييالىق دامۋ باسقارماسىنا ٶتكٸزۋدٸ تاپسىردى.
