Qyzylorda jáne Aral qalalarynda uiymdasqan qylmystyq toptyń 32 qatysýshysy ustaldy, - dep habarlaidy "Ult aqparat" UQK baspasóz qyzmetine silteme jasap.
"Uzaq ýaqyt jedel zerdeleýden keiin 2022 jylǵy 18 qazanda Qyzylorda jáne Aral qalalarynda "A" arnaiy maqsattaǵy qyzmeti jumyldyrylyp jáne prokýratýramen iske asyrylǵan arnaiy operatsiia barysynda óńirlik uiymdasqan qylmystyq toptyń 32 qatysýshysy ustaldy", - delingen habarlamada.
Vedomstvo málimetinshe, toptyń ár múshesiniń ózine júktelgen mindetine qarai naqty qurylymy qalyptasqan. Qajetti sheshimderdi turaqty túrde ótkizilip turatyn "jinalystarda" qabyldap turǵan.
"Ustalǵandardyń qatarynda transulttyq qylmystyq uiymdardyń top basshylaryna baǵynyshty jáne solardyń atynan áreket etip, Qyzylorda oblysynyń qylmystyq ierarhiiasynda belgili bir dárejege ie bolǵandar bar.
Olardyń turǵylyqty mekenjailary boiynsha qarýdyń birneshe túri, "urylar kassasynyń" smetasy, esirtki zattary, sonymen qatar tergeý úshin qyzyǵýshylyq týdyratyn ózge de zattar men qujattar alyndy", - deidi UQK baspasóz qyzmetiniń ókilderi.
Ustalǵandar qylmystyq top qurý, basqarý jáne qarajattandyrý, bopsalaý syndy aýyr qylmystar jasady degen kúdikke ilingen.
"Osylaisha uiymdasqan qylmystyń Qazaqstandaǵy pozitsiialarynyń jáne eldegi qylmystyq ahýalǵa áserin kúsheitý boiynsha josparlary buǵattady.
Transulttyq qylmystan tónetin qaýipti beitaraptandyrý boiynsha is-sharalar jalǵasyp jatyr", - delingen habarlamada.
