Qyzylorda oblysynyń barlyq mektepterinde smartfon qoldanýǵa tyiym salyndy, bul erejeler oqýshylar men pedagogtarǵa qatysty, dep habarlaidy "Ult aqparat" kyzylorda-news.kz portalyna silteme jasap.
Qyzylorda oblysynyń prokýratýrasynan habarlaǵandai, oqýshylar men ustazdarǵa smartfon qoldanýǵa tyiym salý quqyq buzýshylyqtyń aldyn alýǵa septigin tigizedi. Bul sharany júzege asyrý úshin ákimdikten 900 mln teńge qarjy bólý josparlanyp otyr. Sonyń ishinde mektepke kirgen bette tapsyrylǵan smartfondardy saqtaityn arnaiy jabdyq alý kózdelgen», - dep jazylǵan prokýratýra habarlamasynda.
«Respýblikada alǵash ret Qyzylorda oblysyndaǵy 299 mektepte smartfon qoldanýǵa tyiym salynyp,tek «qońyraý shalý/jaýap berý/SMS» fýnktsiialary bar telefon ustaýǵa ruqsat. Bul smartfon árdaiym internetke qosýly bolǵandyqtan bilim berý protsesine bóget jasaýyna bailanysty», - deidi prokýratýrada.
Aimaqtyq prokýrorlardyń málimeti boiynsha, «VKontakte» áleýmettik jelisine monitorging jasaý barysynda Qyzylorda oblysynyń 106 balasy sýitsidke itermeleitin toptarǵa tirkelgen bolyp shyqty.
«Balalardy sýitsidke itermeleitin 13 internet qaýymdastyq anyqtaldy, oǵan Qyzylordanyń 26 mektebinen oqýshylar tirkelgen», - dep túsindirdi prokýratýrada.
