Foto: Pexels.com
Memleket basshysynyń tapsyrmalaryn júzege asyrý aiasynda Qyzylorda oblysynyń biýdjetine ystyq sýmen jabdyqtaý jelilerin salý úshin Úkimet rezervinen nysanaly transfertter túrinde shamamen 5 mlrd teńge bólindi. Tiisti qaýlyǵa Premer-ministr Oljas Bektenov qol qoidy, dep habarlaidy Ult.kz.
Búginde Qyzylorda qalasy – ortalyqtandyrylǵan ystyq sýmen jabdyqtaý júiesi joq respýblikadaǵy jalǵyz oblys ortalyǵy.
Qaladaǵy kóp qabatty úiler elektr jylytý nemese gaz jylytý qurylǵylary arqyly ystyq sýmen qamtamasyz etiledi. Bul óz kezeginde tótenshe jaǵdailarǵa ákelýi múmkin.
Memleket basshysy Qasym-Jomart Toqaev 2023 jylǵy 10 qazanda óńirge jumys sapary barysynda qalany 2025 jyldyń sońyna deiin ortalyqtandyrylǵan ystyq sýmen jabdyqtaý júiesimen qamtamasyz etý máselesin sheshýdi tapsyrǵan bolatyn.
Jalpy quny 26,2 mlrd teńgeni quraityn tiisti jobany eki kezeń boiynsha júzege asyrý josparlanǵan. Birinshi kezeńde – 2024 jyly 187 turǵyn úidi sý júiesimen qamtý jumystary bastalsa, ekinshi kezeńde – biyl 236 turǵyn úi sý júiesine qosylady.
2024 jyly birinshi kezeńge Úkimet rezervinen 11 mlrd teńgeden astam qarajat baǵyttaldy.
Atalǵan qaýly negizinde Úkimet rezervinen bólingen 5 mlrd teńge biyl ekinshi kezeńniń birinshi kezektegi jumystary úshin paidalanylady.
Osylaisha, jobany júzege asyrý nátijesinde Qyzylorda qalasynyń 423 kóp qabatty turǵyn úii ortalyqtandyrylǵan ystyq sýmen jabdyqtaý júiesine qosylady.
