فوتو: Pexels.com
مەملەكەت باسشىسىنىڭ تاپسىرمالارىن جٷزەگە اسىرۋ اياسىندا قىزىلوردا وبلىسىنىڭ بيۋدجەتٸنە ىستىق سۋمەن جابدىقتاۋ جەلٸلەرٸن سالۋ ٷشٸن ٷكٸمەت رەزەرۆٸنەن نىسانالى ترانسفەرتتەر تٷرٸندە شامامەن 5 ملرد تەڭگە بٶلٸندٸ. تيٸستٸ قاۋلىعا پرەمەر-مينيستر ولجاس بەكتەنوۆ قول قويدى, دەپ حابارلايدى Ult.kz.
بٷگٸندە قىزىلوردا قالاسى – ورتالىقتاندىرىلعان ىستىق سۋمەن جابدىقتاۋ جٷيەسٸ جوق رەسپۋبليكاداعى جالعىز وبلىس ورتالىعى.
قالاداعى كٶپ قاباتتى ٷيلەر ەلەكتر جىلىتۋ نەمەسە گاز جىلىتۋ قۇرىلعىلارى ارقىلى ىستىق سۋمەن قامتاماسىز ەتٸلەدٸ. بۇل ٶز كەزەگٸندە تٶتەنشە جاعدايلارعا ەكەلۋٸ مٷمكٸن.
مەملەكەت باسشىسى قاسىم-جومارت توقاەۆ 2023 جىلعى 10 قازاندا ٶڭٸرگە جۇمىس ساپارى بارىسىندا قالانى 2025 جىلدىڭ سوڭىنا دەيٸن ورتالىقتاندىرىلعان ىستىق سۋمەن جابدىقتاۋ جٷيەسٸمەن قامتاماسىز ەتۋ مەسەلەسٸن شەشۋدٸ تاپسىرعان بولاتىن.
جالپى قۇنى 26,2 ملرد تەڭگەنٸ قۇرايتىن تيٸستٸ جوبانى ەكٸ كەزەڭ بويىنشا جٷزەگە اسىرۋ جوسپارلانعان. بٸرٸنشٸ كەزەڭدە – 2024 جىلى 187 تۇرعىن ٷيدٸ سۋ جٷيەسٸمەن قامتۋ جۇمىستارى باستالسا, ەكٸنشٸ كەزەڭدە – بيىل 236 تۇرعىن ٷي سۋ جٷيەسٸنە قوسىلادى.
2024 جىلى بٸرٸنشٸ كەزەڭگە ٷكٸمەت رەزەرۆٸنەن 11 ملرد تەڭگەدەن استام قاراجات باعىتتالدى.
اتالعان قاۋلى نەگٸزٸندە ٷكٸمەت رەزەرۆٸنەن بٶلٸنگەن 5 ملرد تەڭگە بيىل ەكٸنشٸ كەزەڭنٸڭ بٸرٸنشٸ كەزەكتەگٸ جۇمىستارى ٷشٸن پايدالانىلادى.
وسىلايشا, جوبانى جٷزەگە اسىرۋ نەتيجەسٸندە قىزىلوردا قالاسىنىڭ 423 كٶپ قاباتتى تۇرعىن ٷيٸ ورتالىقتاندىرىلعان ىستىق سۋمەن جابدىقتاۋ جٷيەسٸنە قوسىلادى.
