Qazaqstan Qyzyl jarty ai qoǵamy men Bolat Ótemuratovtyń qory Shyǵys Qazaqstan oblysy Aiagóz qalasynda sý tasqynynan úileri qirap qalǵan jáne zardap shekken azamattarǵa kómektesedi.
Sońǵy málimetterge sáikes, sý tasqynynan 159 úi zardap shekken, onyń 32-si tolyǵymen qirap qalǵan jáne jóndeýge kelmeidi. 130-dan asa adam úisiz qaldy. Olar № 6 mektep-internatynda ashylǵan evakýatsiialyq pýnktine ornalasty. Tótenshe jaǵdaidyń aýqymdy bolýyna bailanysty kómek kórsetilýi úshin kómek kartasy mehanizmi engizildi. Zardap shekkenderge ForteBank bankiniń arnaiy kartalary shyǵaryldy. Oǵan Bolat Ótemuratovtyń qory qarajat jiberedi.
Qazirgi ýaqytta Qyzyl jarty ai qoǵamy evakýatsiialyq pýnktine ornalastyrylǵan zardap shekkenderge qansha mólsherde qarajat keregin jáne óz úiinde qalyp ne týystaryn pana etken adamdardyń tizimin jasap jatyr.
16 naýryzda, naqty esepteýler shyǵarylǵannan keiin Qyzyl jarty ai qoǵamy men Bolat Ótemuratovtyń qory zardap shekkenderge kómek kartasyn tapsyrady. Birinshi bolyp úii tolyǵymen qirap qalǵan azamattar alady. Bul qarajat birinshi ári eń aýyr daǵdarys kúnderinen ótýge septigin tigizedi.
Eske salaiyq, Shyǵys Qazaqstan oblysynda sý basqan aýyldar kvadrokoptermen túsirildi. Oblys turǵyny Ivan Egorovtyń aitýynsha, video Óskemennen 12 shaqyrym jerde túsirilgen. Videodaǵy kadrlardan kóshe men úilerdiń sý astynda qalǵanyn kórýge bolady.
"Ońtústik bólikte shamamen 30 úi sý astynda qaldy. Ol jaqta saiajaiymyz bar, kólikjai da sý astynda qaldy, úidiń ishin de sý basty. Qutqarýshylar túngi ýaqytta adamdardy evakýatsiialady. Eki kóliktiń sý astynda qalǵanyn kórdim. Keshe biraz jańbyr jaýdy, búgin sý ketip, muz bolyp jatyr", - deidi Ivan Egorov.
QR IIM Tótenshe jaǵdailar komiteti ókilderiniń málimetinshe, Shyǵys Qazaqstan oblysyndaǵy qutqarýshylar táýlik boiy jumys istep jatyr.
"Qazirgi ýaqytta 15 myń tekshe metr sý tartyldy. Órt sóndirýshiler men qutqarýshylar jumys istep jatyr. Olar sýdy motopomp pen inertti materialdarmen tartyp jatyr. (...) 112 nómirine áli de qońyraýlar kelip jatyr. Sońǵy 24 saǵatta shamamen 3 000 qońyraý kelip tústi. Árbir qońyraý boiynsha jedel shtab ókilderi ainalysyp jatyr", - dep habarlady vedomstvo ókilderi.
