Mańǵystaý óńirinde qoqiqazdar men aqqýlardy videoǵa túsirip tanymal bolǵan Aqtaý qalasynyń turǵyny Azamat Sársenbaev bul joly Qyzyl kitapqa engen Ústirt ýrialdary taspalanǵan beinematerialymen bólisti, dep habarlaidy "Ult aqparat".
«Mańǵystaý oblysynda Qyzyl kitapqa engen Ústirt ýrialdaryn birneshe aptaǵa sozylǵan úzdiksiz izdeý nátijesi sátti aiaqtaldy. Osynaý tańqalarlyq tirshilik iesin izdep tabýǵa kómektesken dostaryma úlken rizashylyǵymdy bildiremin. Tik jartastardan emin-erkin jóńkigen osynaý ańdardy syrttai baqylaý sheksiz lázzatqa bóleidi. Jas tólderi sanynyń kóp ekendigi de qýatady. Demek, bári jónimen degen sóz», - dep jazdy Azamat Sársenbaev Facebook paraqshasynda.
Ústirt ýrialy Qazaqstannyń qyzyl kitabyna engen. Olardyń joiylyp ketý qaýpi bar. Bul janýardyń mekendeitin jerinde adamdar da kóp júredi. Biraq, sońǵy jyldary olardyń sany artyp jatyr. Ýrialdar teńiz deńgeiinen 6000 metr biik ornalasqan taý bókterinde mekendeidi. Keide, qurǵaq, orman jáne aýyl sharýashylyǵy ornalasqan nysandardyń qasynda ómir súredi. Olar kóbinese Qazaqstannyń ońtústik-batysynda, Ózbekstanda, Túrikmenstanda, Tájikstanda, Aýǵanstanda, Pákistanda, Iran jáne Úndistan siiaqty elderde kezdesedi.
