Jeitin tamaǵyńyzdan qyzyl etti alyp tastasańyz, asqazannyń qaterli isigine shaldyǵý qaýpin aitarlyqtai tómendetesiz. Arnaiy zertteý júrgizgen britandyq ǵalymdar osyndai qorytyndy jasap otyr, dep jazady Sputnik Kazakhstan agenttigi MedicalXpress portalyna silteme jasap.
Britandyq ǵalymdar 32 myń áieldiń densaýlyǵy men olardyń jeitin tamaǵyn zerttegen. Olar ortasha alǵanda 17 jyl dárigerlerdiń baqylaýynda bolypty. 335 áielde toq isheginiń qaterli isigi, 119 áielde tik ishek obyry anyqtalǵan.
Mańyzdysy, qus eti men balyq jegen nemese etten múldem bas tartqan áielderdiń arasynda tik ishek qaterli isigine shaldyǵý qaýpi 35 paiyzǵa tómen bolyp shyqqan.
"Bizdiń zertteý ettiń asqazan-ishekke qalai áser etetinin kórsetti. Sondai-aq adamdardyń tamaǵyn zerttep, derekterdi jinaqtaý asa mańyzdy", — deidi professor Djenet Keid.
Buǵan deiin Garvard ýniversitetiniń ǵalymdary janyp turǵan otqa pisirilgen ettiń gipertoniiaǵa alyp kelýi múmkin ekenin aitqan edi.
