جەيتٸن تاماعىڭىزدان قىزىل ەتتٸ الىپ تاستاساڭىز, اسقازاننىڭ قاتەرلٸ ٸسٸگٸنە شالدىعۋ قاۋپٸن ايتارلىقتاي تٶمەندەتەسٸز. ارنايى زەرتتەۋ جٷرگٸزگەن بريتاندىق عالىمدار وسىنداي قورىتىندى جاساپ وتىر, دەپ جازادى Sputnik Kazakhstan اگەنتتٸگٸ MedicalXpress پورتالىنا سٸلتەمە جاساپ.
بريتاندىق عالىمدار 32 مىڭ ەيەلدٸڭ دەنساۋلىعى مەن ولاردىڭ جەيتٸن تاماعىن زەرتتەگەن. ولار ورتاشا العاندا 17 جىل دەرٸگەرلەردٸڭ باقىلاۋىندا بولىپتى. 335 ەيەلدە توق ٸشەگٸنٸڭ قاتەرلٸ ٸسٸگٸ, 119 ەيەلدە تٸك ٸشەك وبىرى انىقتالعان.
ماڭىزدىسى, قۇس ەتٸ مەن بالىق جەگەن نەمەسە ەتتەن مٷلدەم باس تارتقان ەيەلدەردٸڭ اراسىندا تٸك ٸشەك قاتەرلٸ ٸسٸگٸنە شالدىعۋ قاۋپٸ 35 پايىزعا تٶمەن بولىپ شىققان.
"بٸزدٸڭ زەرتتەۋ ەتتٸڭ اسقازان-ٸشەككە قالاي ەسەر ەتەتٸنٸن كٶرسەتتٸ. سونداي-اق ادامداردىڭ تاماعىن زەرتتەپ, دەرەكتەردٸ جيناقتاۋ اسا ماڭىزدى", — دەيدٸ پروفەسسور دجەنەت كەيد.
بۇعان دەيٸن گارۆارد ۋنيۆەرسيتەتٸنٸڭ عالىمدارى جانىپ تۇرعان وتقا پٸسٸرٸلگەن ەتتٸڭ گيپەرتونيياعا الىپ كەلۋٸ مٷمكٸن ەكەنٸن ايتقان ەدٸ.
