«Qyzyl» aimaqtardyń qysqarýyna vaktsina alǵandar sanynyń artýy oń áser etýde. Úkimet otyrysynda QR Premer-Ministri Asqar Mamin osylai málimdedi, dep habarlaidy "Ult aqparat".
«Jalpy sanitariialyq-epidemiologiialyq jaǵdai jaqsaryp keledi. Ótken aptada aýrý juqtyrý deńgeii 20 paiyzǵa deiin tómendedi. Virýstyń reprodýktivtilik indeksi 0,86-ny qurady. Naýqastardyń aýrýhanalardan jáne jansaqtaý bólimderinen shyǵýy boiynsha oń serpin baiqalady», - dedi Úkimet basshysy.
Osy oraida Premer-Ministr 3 óńir Nur-Sultan qalasy jáne Aqmola, Qaraǵandy oblystary «qyzyl aimaqta» turǵanyn aitty.
«Qabyldanyp jatqan sharalardyń nátijesinde «qyzyl aimaqty» qysqartýdy boljap otyrmyz. «Jasyl aimaqtaǵy» óńirler sany - 8 jáne «sary aimaqtaǵy» óńirler sany 6-ǵa jetti. Bul kórsetkishterge eń aldymen vaktsina alǵandar sanynyń artýy oń áser etýde», - dedi Asqar Mamin.
