Shyǵys Qazaqstan oblystyq Bas memlekettik-sanitarlyq dárigeriniń jańa qaýlysy jariialandy, dep habarlaidy "Ult aqparat".
Qaýlyda jazylǵandai, búginde koronavirýs juqtyrǵan naýqastardy emdeýge arnalǵan infektsiialyq statsionarlardaǵy tósek qorynyń toltyrylý deńgeii – 7,8%. Oblys boiynsha infektsiianyń reprodýktivtik R sany – 1,243.
«Qyzyl aimaqqa» engen Óskemen, Semei qalalary men Aiagóz aýdanyndaǵy azyq-túlik taýarlaryn satpaityn saýda obektileriniń (dúkender, shaǵyn marketter, býtikter) jumysyna birqatar shekteý qoiylǵan. Atap aitqanda, saýda zalynyń aýdany 50 sharshy merge jetetin ǵimarattarǵa bir ýaqytta 1 otbasy múshelerin qospaǵanda, 4 adamnan artyq kirýge bolmaidy. Al aýdany 50-den 100 sharshy metr aralyǵynda bolsa, 8 adamǵa kirýge ruqsat etilgen. Al 100 sharshy metrden úlken bolsa, onda jalpy toltyrylýy 30% aspaýy tiis», - delingen qujatta.
Al sýpermarketter, gipermarketter, saýda úileri azyq-túlik taýarlaryn satatyn bólimderdi qospaǵanda, senbi jáne jeksenbi kúni jumys istemeidi. Jumys kúnderi toltyrylýyn 30% asyrmai, saǵat 21.00-ge deiin ashyq bolady.
Balalardyń oiyn-saýyq alańdarynyń, attraktsiondardyń jumysyna tyiym salynǵan. Aýdany 1000 sharshy metrden asatyn saýda obektilerinde áleýmettik qashyqtyq pen maskalyq rejimniń saqtalýyn baqylaý úshin sanitarlyq patrýlder qurý usynylady.
Turaqty oblysishilik avtobýstardyń toltyrylýy otyratyn oryndar sanynan 75% aspaýy tiis. Júrgizýshiler, kondýktorlar men jolaýshylar maskalyq rejimdi qatań saqtaýy qajet.
