19 maýsym kúni Nur-Sultanda 342 adamnyń analizinen koronavirýs infektsiiasy anyqtaldy. Bul týraly Coronavirus2020.kz saity habarlady.
El astanasynda koronavirýspen osymen tórtinshi kún qatarynan 300-den astam naýqas tirkelip otyr: 16 maýsymda - 343, 17 maýsymda - 372, 18 maýsymda - 367.
Bul - Nur-Sultan úshin rekordtyq kórsetkish emes. Sáýirdiń ortasynda kúndelikti anyqtalatyn naýqas sany 600-den de asyp júrdi. Eń joǵarǵy kórsetkish 16 sáýirde tirkelgen. Ol kúni Covid infektsiiasy 653 adamnyń analizinen shyqqan. Biraq ol kezde naýqas sany Almatyda odan kóp bolatyn, odan bólek jeti aimaqta júzden astam naýqas tirkelip júrdi. Sodan beri indetti beti beri qaitqandai bolyp, oblystar men respýblikalyq mańyzy bar qalalardyń barlyǵy derlik epidkartanyń «qyzyl zonasynan» shyqqan. Qazir onda tek Nur-Sultan qalasy tur.
Búkil el boiynsha 1 aqpanda bastalǵan vaktsinalaý naýqanynda astanada ekpeniń kemi bir dozasyn saldyrǵandar sany – 182 854 adam. Bul – aimaqtar arasynda jetinshi kórsetkish. Almatyda - 373 myń, Túrkistan oblysynda - 305 myń, Almaty oblysynda - 287 myń, Shymkentte - 224 myń, Shyǵys Qazaqstan oblysynda - 205 myń, Qaraǵandy oblysynda 189 myń adam vaktsinanyń kemi bir dozasyn alǵan.
Indet bastalǵaly astanada barlyǵy 59 910 adamnyń analizinen koronavirýs infektsiiasy anyqtalǵan. Bul kórsetkish boiynsha Nur-Sultan Almatydan (72149) keiin ekinshi orynda tur.
Elde virýs juqtyrǵany PTR testimen rastalǵan adamdar sany osymen 408 650-ge jetip otyr. Onyń 383 myńy jazylǵan, 20 myńy emdelip jatyr, 4234-i qaitys bolǵan. Koronavirýstan qaitys bolǵandar qataryna Covid juqtyrǵany rastalǵan, biraq ózge aýrýdan qaitys boldy degen eki myńǵa jýyq adam kirmegen.
Budan bólek byltyr 1 tamyzdan beri koronavirýs juqtyrǵany PTR testimen rastalmaǵan, biraq aýrý belgileri boiynsha soǵan uqsaityn pnevmoniia esebi (KVI-) júrgizilip keledi. Ol boiynsha barlyǵy 56 535 naýqas tirkelip, onyń 3423-i kóz jumǵan.
Qazaqstanda ótken táýlikte 1119 adamnyń koronavirýspen aýyrǵany PTR arqyly rastaldy.
Aimaq boiynsha koronavirýs juqtyrǵandar sany:
Nur-Sultan qalasy - 342,
Almaty qalasy - 12,
Shymkent qalasy - 42,
Aqmola oblysy - 37,
Aqtóbe oblysy - 32,
Almaty oblysy - 28,
Atyraý oblysy - 47,
Shyǵys Qazaqstan oblysy - 73,
Jambyl oblysy - 20,
Batys Qazaqstan oblysy - 78,
Qaraǵandy oblysy - 151,
Qostanai oblysy - 33,
Qyzylorda oblysy - 20,
Mańǵystaý oblysy - 28,
Pavlodar oblysy - 35,
Soltústik Qazaqstan oblysy - 6,
Túrkistan oblysy - 26.
