19 ماۋسىم كٷنٸ نۇر-سۇلتاندا 342 ادامنىڭ اناليزٸنەن كوروناۆيرۋس ينفەكتسيياسى انىقتالدى. بۇل تۋرالى Coronavirus2020.kz سايتى حابارلادى.
ەل استاناسىندا كوروناۆيرۋسپەن وسىمەن تٶرتٸنشٸ كٷن قاتارىنان 300-دەن استام ناۋقاس تٸركەلٸپ وتىر: 16 ماۋسىمدا - 343, 17 ماۋسىمدا - 372, 18 ماۋسىمدا - 367.
بۇل - نۇر-سۇلتان ٷشٸن رەكوردتىق كٶرسەتكٸش ەمەس. سەۋٸردٸڭ ورتاسىندا كٷندەلٸكتٸ انىقتالاتىن ناۋقاس سانى 600-دەن دە اسىپ جٷردٸ. ەڭ جوعارعى كٶرسەتكٸش 16 سەۋٸردە تٸركەلگەن. ول كٷنٸ Covid ينفەكتسيياسى 653 ادامنىڭ اناليزٸنەن شىققان. بٸراق ول كەزدە ناۋقاس سانى الماتىدا ودان كٶپ بولاتىن, ودان بٶلەك جەتٸ ايماقتا جٷزدەن استام ناۋقاس تٸركەلٸپ جٷردٸ. سودان بەرٸ ٸندەتتٸ بەتٸ بەرٸ قايتقانداي بولىپ, وبلىستار مەن رەسپۋبليكالىق ماڭىزى بار قالالاردىڭ بارلىعى دەرلٸك ەپيدكارتانىڭ «قىزىل زوناسىنان» شىققان. قازٸر وندا تەك نۇر-سۇلتان قالاسى تۇر.
بٷكٸل ەل بويىنشا 1 اقپاندا باستالعان ۆاكتسينالاۋ ناۋقانىندا استانادا ەكپەنٸڭ كەمٸ بٸر دوزاسىن سالدىرعاندار سانى – 182 854 ادام. بۇل – ايماقتار اراسىندا جەتٸنشٸ كٶرسەتكٸش. الماتىدا - 373 مىڭ, تٷركٸستان وبلىسىندا - 305 مىڭ, الماتى وبلىسىندا - 287 مىڭ, شىمكەنتتە - 224 مىڭ, شىعىس قازاقستان وبلىسىندا - 205 مىڭ, قاراعاندى وبلىسىندا 189 مىڭ ادام ۆاكتسينانىڭ كەمٸ بٸر دوزاسىن العان.
ٸندەت باستالعالى استانادا بارلىعى 59 910 ادامنىڭ اناليزٸنەن كوروناۆيرۋس ينفەكتسيياسى انىقتالعان. بۇل كٶرسەتكٸش بويىنشا نۇر-سۇلتان الماتىدان (72149) كەيٸن ەكٸنشٸ ورىندا تۇر.
ەلدە ۆيرۋس جۇقتىرعانى پتر تەستٸمەن راستالعان ادامدار سانى وسىمەن 408 650-گە جەتٸپ وتىر. ونىڭ 383 مىڭى جازىلعان, 20 مىڭى ەمدەلٸپ جاتىر, 4234-ٸ قايتىس بولعان. كوروناۆيرۋستان قايتىس بولعاندار قاتارىنا Covid جۇقتىرعانى راستالعان, بٸراق ٶزگە اۋرۋدان قايتىس بولدى دەگەن ەكٸ مىڭعا جۋىق ادام كٸرمەگەن.
بۇدان بٶلەك بىلتىر 1 تامىزدان بەرٸ كوروناۆيرۋس جۇقتىرعانى پتر تەستٸمەن راستالماعان, بٸراق اۋرۋ بەلگٸلەرٸ بويىنشا سوعان ۇقسايتىن پنەۆمونييا ەسەبٸ (كۆي-) جٷرگٸزٸلٸپ كەلەدٸ. ول بويىنشا بارلىعى 56 535 ناۋقاس تٸركەلٸپ, ونىڭ 3423-ٸ كٶز جۇمعان.
قازاقستاندا ٶتكەن تەۋلٸكتە 1119 ادامنىڭ كوروناۆيرۋسپەن اۋىرعانى پتر ارقىلى راستالدى.
ايماق بويىنشا كوروناۆيرۋس جۇقتىرعاندار سانى:
نۇر-سۇلتان قالاسى - 342,
الماتى قالاسى - 12,
شىمكەنت قالاسى - 42,
اقمولا وبلىسى - 37,
اقتٶبە وبلىسى - 32,
الماتى وبلىسى - 28,
اتىراۋ وبلىسى - 47,
شىعىس قازاقستان وبلىسى - 73,
جامبىل وبلىسى - 20,
باتىس قازاقستان وبلىسى - 78,
قاراعاندى وبلىسى - 151,
قوستاناي وبلىسى - 33,
قىزىلوردا وبلىسى - 20,
ماڭعىستاۋ وبلىسى - 28,
پاۆلودار وبلىسى - 35,
سولتٷستٸك قازاقستان وبلىسى - 6,
تٷركٸستان وبلىسى - 26.
