Qostanai oblysynda karantin sharalarǵy 7 jeltoqsanǵa deiin uzartyldy, dep habarlaidy "Ult aqparat".
Esterińizge sala keteiik, 16 qarashadan bastap Qostanai oblysynda qatań karantin sharalary engizilgen bolatyn.
Oblystyq jedel shtabtyń sheshimimen jabyq sport obektileriniń jumysyna tyiym salyndy. Sonymen qatar qoǵamdyq tamaqtaný oryndaryna shekteý engizildi, atap aitqanda, 1 ústelge 4 adamnan artyq otyrmaidy, ústelder arasyndaǵy qashyqtyq 2 metrden kem bolmaýy tiis, al taǵamdy jetkizý qyzmetine saǵat 22:00-ge deiin ruqsat etildi.
Basseinderdiń jumysyna tyiym salynyp, monsha men saýna 09-19.00 arasynda ǵana isteidi. Sanatorii men demalys bazalarynyń jumysy toqtatylǵan.
Demalys jáne mereke kúnderi avtomobilder men aýyl sharýashylyǵy tehnikasyna arnalǵan qosalqy bólshek satatyn dúkender istemeidi.
Meditsinalyq-áleýmettik sala obektileriniń jumysy karantin rejimine kóshirildi.
Balalar sektsiiasy, úiirmelerdiń qyzmetine tyiym salynyp, profilaktikalyq egýdi qospaǵanda, meditsina-sanitariia alǵashqy kómek kórsetý uiymdarynda josparly skrining pen profilaktikalyq tekserý jasaýdy toqtata turý jóninde sheshim qabyldanǵan.
Qostanai jáne Rýdnyi qalalaryna kirip-shyǵýǵa tyiym salynǵan.
Búgin Qostanai oblysynyń bas sanitar dárigeri Vladimir Nechitailo jańa qaýly shyǵardy.
Oǵan sáikes, atalǵan shekteý sharalary 7 jeltoqsan saǵat 00:00 deiin sozyldy.
Qaýlynyń tolyq mátinimen myna siltemede tanysýǵa bolady.
